यस्तो हुनेछ ओलाको इलेक्ट्रिक कार, लिक भएको तस्बिरले देखायो झलक

इलेक्ट्रिक स्कुटरको सफलता पछि अब ओलाले इलेक्ट्रिक कार पनि लन्च गर्ने भएको छ । हालै इन्टरनेटमा ओलाको नयाँ इलेक्ट्रिक कारको तस्बिर लिक भएको छ । यसलाई हेर्दा ओला इलेक्ट्रिक कारले लुक्समा मात्र नभई फिचरमा पनि टेस्ला जस्ता कारलाई पनि टक्कर दिन सक्ने अनुमान गरिएको छ ।

इन्टरनेटमा लिक भएको ओलाको नयाँ तस्बिरले यो कार अझ कन्सेप्ट चरणमा रहेको र कार प्रोडक्सनका लागि तयार नभएको भन्ने अनुमान गर्न सकिन्छ ।

ओलाको सो इलेक्ट्रिक कार सेडान कार हुनेछ । यो केही हदसम्म टेस्ला मोडेल ३ जस्तो देखिन्छ । यद्यपि कारलाई पछाडिबाट फरक डिजाइन दिइएको छ । कारको डिजाइन पूर्णतया एरोडायनामिक बनाइएको छ । कारको ह्विलबेस पनि बढी छ । बढी ह्विलबेस भएका कारण कारमा बढी स्पेस हुनेछ ।

अन्य इलेक्ट्रिक कारमा जस्तै सो कारको फ्रन्टमा पनि ग्रिल दिइएको छैन । सो कार ड्युअल टोनमा लन्च गरिने अनुमान छ । साथै कारमा प्यानोरामिक सनरुफ पनि दिन सकिने अनुमान छ ।

यद्यपि कम्पनीले कारको बारेमा कुनै आधिकारिक जानकारी दिएको छैन । साथै कारको नाम समेत उल्लेख गरिएको छैन । रिपोर्टका अनुसार ओला इलेक्ट्रिक कारको रेन्ज ४०० किलोमिटरभन्दा बढी हुनेछ ।

यसको मूल्य १२ लाख देखि १५ लाख भारुको बीच हुनेछ । ओला इलेक्ट्रिक कार अटो एक्सपो २०२४ मा सार्वजनिक गरिने छ ।