मारुती सुजुकीले ल्याउदै छ इंगेज एमपीभी, ७ सिटर कारको बजार परिवर्तन हुने सम्भावना

मारुती सुजुकीले नयाँ ७ सिटर एमपीभी बजारमा ल्याउने भएको छ । रिपोर्टका अनुसार कम्पनीले आफ्नो नयाँ एमपीभी जुलाई ५ मा लन्च गर्ने भएको छ ।

कम्पनीले सो कारको नाम मारुती इंगेज राखेको छ । यो टोयोटा इनोभा हाइक्रस रिइन्जिनियर मोडल हुनेछ । सो कार टोयोटा र मारुती सुजुकीको संयुक्त लगानीमा उत्पादन गरिने छ र यसको बिक्री नेक्सा डिलरशिप मार्फत गरिनेछ । बजारमा पहिले देखि मार्केट लिडर बनेको सुजुकी अर्टिगाको स्थान यसले लिनेछ । यसबाट अन्य प्रतिस्पर्धीलाई पनि दवाव पर्नेछ भने ७ सिटर कारको बजारलाई पनि परिवर्तन गर्ने अनुमान गर्न सकिन्छ ।

सो एसयूभीको तस्बिर इन्टरनेटमा पनि देख्न सकिन्छ । यसमा ग्रान्ड भिटारा जस्तो डिजाइन अपडेट गरिएको छ ।

कारको डाइमेन्सनमा भने कुनै परिवर्तन गरिएको छैन । मारुती सुजुकी प्रिमियम एमपीभी ७ सिटरमा पेश गरिनेछ र ८ सिटर कन्फिगरेसन उपलब्ध हुनेछ वा छैन भन्ने बारे कुनै जानकारी दिइएको छैन । रूफलाइन, रियर बम्पर र टेलगेट माथि सारिएको छ ।

यसको क्याबिनमा भने सानो परिवर्तन गरिएको छ । यसमा फ्लोटिङ टचस्क्रिन इन्फोटेनमेन्ट सिस्टम, लेयर्ड ड्यासबोर्ड, एडीएएस टेक्नोलोजी, पानोरामिक सनरुफ जस्ता फिचर समावेश हुनेछ ।