आयो अल्टोको नयाँ भेरिएन्ट टुर एच१, माइलेज नै २४.६० किमी

मारुती सुजुकीले अल्टोको टुर एच१ भेरिएन्ट लन्च गरेको छ । यो कार मारुती सुजुकीको सबैभन्दा बढी माइलेज दिने इन्ट्री लेभल ह्याचब्याक हो । टुर एच१ पेट्रोल र सीएनजी विकल्पमा उपलब्ध छ ।

कम्पनीका अनुसार टुर एच१ मा १.० लिटर ३ सिलिन्डर के सिरिज ड्युअल जेट ड्युअल भीभीटी पेट्रोल इन्जिन जडान गरिएको छ, जसले ६६.६ पीएसको पावर र ८९ एनएमको टर्क उत्पादन गर्छ । सीएनजी भेरिएन्टले ५६.६ पीएसको पावर र ८२.१ एनएमको टर्क टर्क जेनेरेट गर्छ । सो ह्याचब्याक ५ स्पिड म्यानुअल ट्रान्समिसनको साथ प्रस्तुत गरिएको छ ।

मारुती सुजुकी टुर एच१ को पेट्रोल भेरिएन्टले २४.६० किलोमिटर र सीएनजी भेरिएन्टले ३४.४६ किलोमिटर प्रति किलोग्राम माइलेजको दिन्छ ।

यसमा ड्युअल फ्रन्ट एयरब्याग, अगाडि र पछाडि सिटबेल्ट रिमाइन्डर, प्रि–टेन्सनर र फोर्स लिमिटरसहितको फ्रन्ट सिट बेल्ट, ईबीडीको साथ एन्टी लक ब्रेकिङ सिस्टम, इन्जिन इमोबिलाइजर, स्पिड लिमिटिङ र रिभर्स पार्किङ जस्ता सेफ्टी फिचर रहेको छ ।