टुँडीखेलदेखि धुलिखेलसम्म साइकल र्याली सम्पन्न

काठमाडौं – नासा नेपाल र साइकल कल्चर मुभमेन्ट नेपाल तथा धुलिखेल नगरपालिका समेतको साझेदारीमा टुँडीखेल टु धुलिखेल साइकल र्याली सम्पन्न भएको छ ।

नेपाल पर्यटन बोर्डको परिसर टुँडीखेलबाट सुरु भएको साइकल र्याली दिउसो धुलिखेल बजार परिक्रमा गर्दै नगरपालिका पुगेको छ ।

साइकल लेन निर्माण, ऐन कानुनको परिमार्जन, आवश्यक बजेट बिनियोजन तथा साइक्लिस्ट सुरक्षा जस्ता विषयको उठान गर्ने हेतुले आयोजित साइकल र्याली लाई डा. तारालाल श्रेष्ठ , इ. सुयोग खनाल , नासा नेपालका अध्यक्ष दशरथ रिसाल लगायतले सुभारम्भ गरेका थिए। र्यालीमा लगभग ३०० साइक्लिस्टहरुको सहभागिता रहेको नासा नेपालले जनाएको छ ।

ग्लोबल एलायन्स फर रोड सेफ्टी एनजिओ र अन्तर्राष्ट्रिय अटोमोबाइल फेडरेसननको साथै अन्तर्राष्ट्रिय मोटर साइक्लिङ्गको समेत राष्ट्रिय संघ हो नेपाल अटोमोबाइल्स संघ (नासा नेपाल ), जसले विगत १५ बर्ष देखि नेपालमा मोटर, मोटर साइक्लिङ्ग स्पोर्ट्स, अटोमोबाइल मोबिलिटी तथा टुरिजम र सडक सुरक्षाको क्षेत्रमा क्रियाशील रहेको छ । जसले सन् २००८ को स्थापनासंगै दोस्रो सडक सुरक्षा सप्ताह लगायत थुप्रै राष्ट्रिय तथा अन्तर्राष्ट्रिय कार्यक्रमहरु र अभियानहरुमा सक्रियता देखाइरहेको छ ।

सोही सन्दर्भमा विश्वभरि नै सातौँ सडक सुरक्षा सप्ताहको अवसरमा विभिन्न रचनात्मक कार्यक्रमहरुका साथ मनाइँदै छ । यसै हप्ता अर्थात मे १५ देखि मे २१ सम्म नेपालमा समेत नेसनल एलायन्स फर सेफ एन्ड सस्टेनेबल मोबिलिटी नेपाल र नास फाउन्डेसनसँगको सहकार्यमा सप्ताहव्यापी कार्यक्रम राष्ट्रिय रुपमै आयोजना भइरहेको छ ।