टेस्लाले ग-यो दुई ईभीको टिजर सार्वजनिक, अझै सस्तो ईभी आउने

टेस्लाले हालै वार्षिक सेयर होल्डर मिटिङ सम्पन्न गरेको छ । सो अवसरमा दुई ईभी मोडलको टिजर पनि सार्वजनिक गरिएको छ ।

टेस्ला सीईओ एलन मस्कले कम्पनीले पहिले देखि नै दुई नयाँ सवारी साधन मोडलको वारेमा कार्य भइरहेको बताए । यसैगरी उनले यही वर्ष नै टेस्ला साइबर ट्रकको पनि डेलिभरी गरिने बताए ।

मस्कले दुवै मोडल हाल बजारमा उपलब्ध मोडल जस्तै गुणस्तरीय हुने समेत बताए । यसका लागि डिजाइन र म्यानुफ्याक्चरिङ प्रक्रियालाई उपयुक्त तरिकाले मिलाइएको उनको भनाइ छ ।

पहिलो टिजर इमेजमा गाडीको साइड प्रोफाइल देखाइएको छ । यस अनुसार सो गाडी क्रसओभर वा ह्याचब्याक हुन सक्ने छ । हाल उपलब्ध इन्ट्री लेवल मोडल ३ भन्दा यो अझै कम्प्याक्ट हुन सक्ने छ । अर्को गाडी भने भ्यान वा एमपीभी हुन सक्ने अनुमान छ ।

टेस्लाले यी दुई मोडल बजारमा उपलब्ध गराए पश्चात बजार हिस्सा अझै बढाउने योजना बनाएको मस्कले बताए ।