सिंगल चार्जमा १२५ किमी चल्ने गियर भएको ई–बाइक, खुल्यो बुकिङ

ईभी स्टार्टअप कम्पनी म्याटर इनर्जीले भारतको पहिलो गियर भएको इलेक्ट्रिक बाइक एराको लागि बुकिङ खुल्ला गरेको छ । यसको प्रि–बुकिङ मे १७ मा खुल्नेछ । सो बाइकले रिभोल्ट आरभी ४०० र टर्क क्रेटोससँग प्रतिस्पर्धा गर्नेछ ।

सो बाइक २ भेरिएन्ट एरा ५००० र एरा ५०००+ मोडेलमा उपलब्ध छ । कम्पनीले अहिलेसम्म एरा ४००० र एरा ६०००+ को मूल्य र विवरण सार्वजनिक गरेको छैन ।

ई–बाइक एरा ५००० र एरा ५०००+ भेरिएन्टमा ५ केडब्ल्युएचको लिक्विड–कुल्ड ब्याट्री प्याकको विकल्प दिइएको छ । सो बाइकले एकपटक फुल चार्जमा १२५ किलोमिटरको रेन्ज दिनेछ ।

यसको ब्याट्री प्याक सामान्य चार्जरबाट ५ घण्टामा र फास्ट चार्जरबाट २ घण्टामा फुल चार्ज गर्न सकिने दाबी गरिएको छ । ब्याट्रीको तौल करिब ४० किलोग्राम र एरा ई–बाइकको तौल १८० किलोग्राम छ ।

एरा ६०००+ मोडेलमा ६ केडब्ल्युएचको ब्याट्री प्याकको विकल्प छ जसले १५० किलोमिटरको रेन्ज दिन्छ ।

एरामा शार्प र स्कल्प्टेड लुक दिइएको छ । यसमा इन्टिग्रेटेड एलईडी डेटाइम रनिङ लाइटसँग एलईडी हेडल्याम्प दिइएको छ । सो इलेक्ट्रिक बाइकको अगाडि र पछाडि डिस्क ब्रेकसहित एबीएस छ ।

एरा ५००० र एरा ५०००+ मा १० केडब्ल्यु विद्युतीय मोटर छ । यसमा हाइपरसिफ्ट ४ स्पिड म्यानुअल गियरबक्समार्फत पावर उत्पादन गर्छ । सो ई–बाइकले ६ सेकेन्डमा ० देखि ६० किलोमिटर प्रतिघण्टाको गति हासिल गर्ने कम्पनीको दाबी छ ।

बाइकमा ३ वटा ड्राइभिङ मोड छ । ईको मोडमा यसको टप स्पिड ३० किमी प्रतिघण्टा, सिटी मोडमा ७० किमी प्रतिघण्टा र स्पोर्ट मोडमा ९५ किमी प्रतिघण्टा छ ।

एरामा ४जी, वाईफाई, ब्लुटुथ कनेक्टिभिटी, पार्क असिस्ट, किलेस अपरेशन, ओटीए अपडेट, प्रोग्रेसिभ ब्लिंकर र वेलकम लाइट सहितको ७ इन्चको टच–कम्प्याटिबल एलसीडी डिस्प्ले छ । साथै यसमा स्मार्टफोन एप र ९ एक्सिस इनर्सियल मेजरमेन्ट युनिट पनि रहेको छ ।