४८० किमी रेन्ज दिने स्कोडाको नयाँ इलेक्ट्रिक एसयूभी सार्वजनिक

स्कोडाले फ्रेस अल–इलेक्ट्रिक एसयूभी ‘इलरोक’ सार्वजनिक गरेको छ । सो एसयूभीले अन्तर्राष्ट्रिय बजारमा हाल उपलब्ध क्यारोक एसयूभीलाई प्रतिस्थापन गर्ने बताइएको छ । स्कोडाले सन् २०२६ सम्म चार भन्दा बढी ईभी ल्याउने बताएको छ र इलरोक त्यसै मध्येको दोस्रो ईभी हो ।

आधुनिक र सोलिड डिजाइन ल्यांग्वेज भएको स्कोडा इलरोक पहिलो एसयूभी हुनेछ । यसमा भएको रग्ड फ्रन्ट इन्डलाई टेक डेक नाम दिइएको छ । त्यसैगरी यसमा ठूलो स्किड प्लेटका साथै विभिन्न आकर्षक प्रोफाइल रहेको छ ।

स्कोडाको पहिले देखि नै चर्चामा रहेको इन्याक ईभीसँग यसको धेरै पार्ट्स साझेदार हुनेछ । स्कोडा इलरोकमा ७७ किलोवाट आवरको ब्याट्री हुने अनुमान गरिएको छ, जसले ४८० किलोमिटरको रेन्ज दिने अनुमान गरिएको छ । त्यसैगरी यसमा एमईबी प्लेटफर्म हुनेछ ।

स्कोडाले आगामी दिनमा अन्य धेरै ईभी बजारमा ल्याउने बताएको छ ।