किक्स र म्याग्नाइट ग्राहकका लागि पायोनियर मोटोकर्पले ल्यायो ‘निसान सुरक्षा’ प्याकेज

नेपालमा निसान गाडीको आधिकारिक वितरक पायोनियर मोटोकर्पले निसान गाडीका ग्राहकको सुविधाका लागि ‘निसान सुरक्षा’ प्याकेज ल्याएको छ । किक्स र म्याग्नाइट गाडीको आफ्टर सेल्स सेवालाई लक्षित गरी ल्याइएको यो प्याकेज अन्तर्गत ग्राहकले कम खर्चमा झन्झटमुक्त मर्मत सम्भारको सेवा पाउने कम्पनीले जनाएको छ ।

सोे प्याकेजमा ग्राहकको गाडीलाई उचित रूपले जाँच गर्ने उपकरण, जेन्यून स्पेयर पार्टस् र प्राविधिक ज्ञान भएका मेकानिकहरूबाट नै सेवा पु‍-याउने कुरा सुनिश्चित गर्दछ । प्याकेजलाई गोल्ड र सिल्भर गरी दुई भागमा विभाजन गरिएको छ । जसअन्तर्गत सिल्भर प्याकेजमा निशूल्क इन्जिन आयल, आयल फिल्टर, ड्रेन प्लग, एयर फिल्टर लगायत सामेल गरिएको छ भने गोल्ड प्याकेजमा सिल्भर प्याकेजका सबै सुविधाहरूका साथै व्हिल अलाइनमेन्ट र ब्यालेन्सिङ, ब्याट्री टर्मिनल ग्रिसिङ, कुलेन्ट र अन्य विभिन्न सुविधाहरू समावेश गरिएका छन् ।

दुबै प्याकेजमा निशूल्क २४ घण्टे रोड साइड असिस्टेंस पनि समावेश छ, जसले ग्राहकहरुलाई आपतकालीन समयमा मद्दत गर्ने विश्वास लिइएको छ । यसका साथै बडि पार्ट्स र शुल्कमा पनि १० प्रतिशतसम्मको छुट समावेश गरिएको छ । यो
सेवा नेपालभर रहेका निसानका सम्पुर्ण सर्भिस सेन्टरहरुमा लागु हुने वताइएको छ ।