यस्तो छ स्टार्ट अप कम्पनी रिभरले लन्च गरेको इलेक्ट्रिक स्कुटर इन्डिको विशेषता

इलेक्ट्रिक स्टार्ट अप कम्पनी रिभरले आफ्नो नयाँ इलेक्ट्रिक स्कुटर इन्डि लन्च गरेको छ । सो इलेक्ट्रिक स्कुटरको मूल्य १ लाख २५ हजार भारु राखिएको छ ।

कम्पनीले सो इलेक्ट्रिक स्कुटरमा ४ केडब्ल्युएच क्षमताको ब्याट्री प्याकसहित ६.७ केडब्ल्यु पावरको इलेक्ट्रिक मोटर प्रयोग गरेको छ । सो स्कुटरले मात्र ३.९ सेकेन्डमा ४० किमी प्रतिघन्टाको गति लिन सक्छ । यसको ब्याट्री ५ घन्टामा ० देखि ८० प्रतिशतसम्म चार्ज गर्न सकिन्छ ।

सो इलेक्ट्रिक स्कुटरको टप स्पिड ९० किमी प्रतिघन्टा छ । इन्डि ई–स्कुटरमा इको, राइड र रस गरी ३ मोड प्रदान गरेको छ । सो स्कुटरले इको मोडमा १२० किलोमिटरसम्म रेन्ज दिने कम्पनीको दाबी छ ।

कम्पनीका अनुसार इन्डि ई–स्कुटरमा ५५ लिटर स्पेस दिइएको छ । जसमा ४३ लिटर बुट स्पेस र १२ लिटर ग्लोभ बक्स स्पेस समावेश छ । सो इलेक्ट्रिक स्कुटरमा डिजिटल स्क्रिन, २ वटा यूएसबी चार्जिङ पोर्ट र रिभर्स पार्किङ असिस्ट फिचर पनि छ ।

कम्पनीले यो स्कुटरको डेलिभरी अगस्ट २०२३ मा सुरु गर्ने अनुमान गरिएको छ ।