४ वर्षमा १ लाख ८५ हजार भन्दा बढी युनिट बिक्री भयो महिन्द्राको यो एसयूभी

महिन्द्रा एक्सयूभी३०० लन्च भएको फेब्रुअरी १४ मा ४ वर्ष पुरा भएको छ । यस पछि जनवरी २०२३ को अन्त्य सम्ममा महिन्द्राको सो कम्प्याक्ट एसयूभी १ लाख ८५ हजार ७८२ युनिट बिक्री भइसकेको छ ।

कम्पनीले पहिलो २८ दिनमा मात्रै १३ हजार युनिटको बुकिङ प्राप्त गरेको थियो । साथै, एक्सयूभी३०० ले आफ्नो पहिलो महिनामै टप–३ कम्प्याक्ट एसयूभी ¥यांकिङमा प्रवेश गरेको थियो ।

सो एसयूभी लन्च गरेको ३ महिना भित्रै २६ हजार युनिट बुकिङ प्राप्त गरेको थियो । सो एसयूभी ७ लाख ९० हजार भारुमा लन्च गरिएको थियो । ८ महिना पछि, जनवरी २०२० मा, एक्सयूभी३०० ले ग्लोबल एनक्याप क्रयास टेस्टमा वयस्क अक्युपेन्ट सुरक्षाको लागि ५ स्टर र चाइल्ड अक्युपेन्ट प्रोटेक्शनमा ३ स्टार पाएको थियो ।

सन् २०२० मा एक्सयूभी३०० ३७ हजार ५७६ युनिट बिक्री गरेको थियो । कोभिड–१९ महामारी प्रभाव पछि ३५ हजार ९६५ युनिट बिक्री गरेको थियो । सन २०२२ मा सो एसयूभीले कुल ६० हजार २६० युनिट बिक्री गरी भारतमा टप २५ युटिलिटी सवारी साधनमा १२ औं स्थानमा रहन सफल भएको थियो ।

एक्सयूभी३०० को साथै कम्पनीको अन्य एसयूभी फ्ल्यागशिप एक्सयूभी७००, स्कोर्पियो एन र स्कोर्पियो क्लासिक, थार, बोलेरो र बोलेरो नियोको निरन्तर मागले कम्पनीको बजार हिस्सा बढाउन मद्दत गरिरहेको छ । कम्पनीको शेयर पनि १४.३७ प्रतिशतले बढेर १७.५४ प्रतिशत पुगेको छ ।