ओला इलेक्ट्रिक सेगमेन्टमा प्रवेश गर्ने, २०२४ मा पहिलो इलेक्ट्रिक कार लन्च गर्ने सम्भावना

इलेक्ट्रिक स्कुटरको सफलता पछि ओलाले अब इलेक्ट्रिक कार पनि लन्च गर्ने भएको छ । कम्पनीका सीएफओ जीआर अरुण कुमारले कम्पनीले २०२४ सम्ममा इलेक्ट्रिक कार लन्च गर्ने जानकारी दिएका छन् ।

कम्पनीले हाल सो इलेक्ट्रिक कारको एड्भान्स डिजाइनमा काम गरिरहेको छ । इलेक्ट्रिक स्कुटरमा पर्याप्त अनुभव रहेकोले इलेक्ट्रिक कार विकासमा फाइदा पुग्ने कम्पनीले जानकारी दिएको छ ।

ओला इलेक्ट्रिकका संस्थापक भाविश अग्रवालले ४० लाख भन्दा कमको इलेक्ट्रिक कार लन्च गर्ने बताएका थिए । इलेक्ट्रिक सवारी साधनमा प्रयोग हुने ब्याट्रीले मूल्यमा ठूलो असर पारेको हुन्छ । लिथियम सेल अन्य देशबाट आयात गर्नुपर्ने भएकोले यो निकै महँगो हुन्छ ।

ओलाले स्वदेशमै लिथियम आयन सेलको उत्पादन सुरु गने जानकारी दिएक।े हो । यसका लागि कम्पनीले तमिलनाडुमा गिगाफ्याक्ट्री बनाएको छ । जहाँ कम्पनीले यसै वर्षदेखि लिथियम आयन ब्याट्री उत्पादन गर्न थाल्नेछ । लिथियम ब्याट्रीको उत्पादन सुरु भएसँगै इलेक्ट्रिक सवारी साधनको मूल्य घट्ने अपेक्षा गरिएको छ ।

ओलाको इलेक्ट्रिक कारले टाटा मोटर्स, हुन्डाई, किया, बीएमडब्ल्यू, औडी, मर्सिडिज र भल्भो आदि कम्पनीसँग प्रतिस्पर्धा गर्नेछ ।