ओकिनावाले अन्य कम्पनीसँगको साझेदारीमा नयाँ इलेक्ट्रिक क्रुजर बाइक लन्च गर्दै

ओकिनावा अटोटेकले चाँडै नै भारतीय बजारमा इलेक्ट्रिक क्रुजर बाइक लन्च गर्ने भएको छ । यसका लागि कम्पनीले इटालियन कम्पनी टासिटासँग सहकार्य गरेको छ ।

ओकिनावाले यसको लागि ३ वर्षमा २५ मिलियन युरो लगानी गर्ने र इटालीमा नयाँ अनुसन्धान तथा विकास केन्द्रको उद्घाटन गर्ने पनि घोषणा गरेको छ ।

कम्पनीले भारत र विश्वभरबाट करिब ५० प्राविधिक पनि भर्ना गर्नेछ । ती कर्मचारीहरुलाई घरेलु र अन्तर्राष्ट्रिय रूपमा तालिम पनि दिइनेछ ।

कम्पनीले टेक्नोलोजीको लागि नयाँ ईभी प्लेटफर्म निर्माण गर्न काम गर्नेछ । हाल टासिटा कम्पनीको वेबसाइटमा २ ब्राण्ड टी–क्रुज र टी–रेस समावेश छ । जसमा अर्बन, टुरिज्मो, मोटार्ड, इन्डयुरो, ¥याली र क्रस उपलब्ध छ ।

टी–क्रुज र टी–रेस ब्रान्डमा फरक फरक पावर र टर्क जेनेरेटर सहित ५ स्पिड गियरबक्स जोडिएको छ ।