यस्तो हुनेछ किया ईभी९ इलेक्ट्रिक एसयूभी

किया ईभी९ को कन्सेप्ट भर्सन केही दिन पहिले भारतमा सम्पन्न अटो एक्सपो २०२३ मा सार्वजनिक गरिएको थियो । सो एसयूभीे क्यालिफोर्निया डिजाइन स्टुडियोमा डिजाइन गरिएको हो । यसको नयाँ लोगोले सबैको ध्यान आकर्षित गरेको छ । सो एसयूभी अमेरिकामा लन्चको लागि तयार हुँदैछ । यस इलेक्ट्रिक कारका केही महत्वपूर्ण स्पेसिफिकेशन लिक भएको छ ।

कम्पनीको पछिल्लो भर्सन किया ईभी९ को बेस मोडलको मूल्य ५६ हजार डलर राखिएको छ । जसले २०० एचपीको पावर र ३३८ एनएमको टर्क जेनेरेट गर्छ । सो एसयूभीले ३५० किलोमिटरको रेन्ज प्रदान गर्छ ।

टप अफ द लाइन किया ईभी९ को मूल्य ७३ हजार डलर रहेको छ । जसले ४०० एचपीको पावर र ६५२ एनएमको टर्क जेनेरेट गर्छ । सो एसयूभीले लगभग ३८५ किलोमिटरको रेन्ज प्रदान गर्छ । यसमा २१ इन्चको अलोय ह्विल समावेश गरिएको छ । जबकि तल्लो ट्रिममा १९ वा २० इन्चको ह्विल समावेश छ ।

किया ईभी९ को टप ट्रिम एकदम तीव्र हुनेछ । सो एसयूभीले ५।२ सेकेन्डमा ० देखि १०० किमी प्रति घन्टाको गति लिन सक्छ । अन्य ट्रिममा ६ सेकेन्ड र ८।९ सेकेन्डको बीचमा ० देखि १०० किमी प्रतिघण्टाको गति हासिल गर्न सक्षम छ ।

कम्पनीले किया ईभी९ को बारेमा आधिकारिक रूपमा घोषणा गरेको छैन । किया ईभी९ लन्च भएमा मर्सिडिज इक्युबीसँग प्रतिस्पर्धा गर्नेछ, जसको मूल्य लगभग समान हुनेछ । अमेरिकी बजारमा किया ईभी९ यही वर्षको पहिलो त्रैमासिकमा लन्च हुने अनुमान गरिएको छ ।