२२ प्रतिशत कम मूल्यमा टाटा जेन्यूइन पार्ट्स, ६ महिना अर्थात ५० हजार किलोमिटरसम्म वारेन्टि

टाटा गाडीको आधिकारिक वितरक सिप्रद्धि ट्रेडिङ प्रालिले कमर्सियल भेइकलमा प्रयोग हुने जेन्यूइन पार्ट्सको नयाँ मूल्य सूची सार्वजनिक गरेको छ । टाटाका लाइट तथा हेभी कमर्सियल भेइकलमा प्रयोग हुने रनिङ पार्ट्समा कम्पनीले पुष १७ देखी लागु हुनेगरी २२ प्रतिशतले मूल्य कम गरेर सो सूची सार्वजनिक गरेको हो ।

बजारमा आर्थिक गतिविधी सुस्त भएसंगै यसले ग्राहकलाई मार पारेको भन्दै उनीहरुलाई राहत प्रदान गर्न यसरी मूल्य कम गरिएको कम्पनी स्रोतको भनाई छ । मूल्य कम भएपछि ग्राहकले सुपथ मूल्यमै जेन्यूइन पार्ट्स खरिद गरी गाडीको सर्भिसिङ एवं मेन्टिनेन्स गराउन सक्नेछन् ।

नेपालको कमर्सियल भेइकल बजारमा टाटाले विगत लामो समयदेखी बजारको नेतृत्व लिँदै आइरहेको छ । यो व्राण्डको मिनी पिकअप ट्रकदेखी ठूला ट्रक, टिप्पर र वस लगायत सावरी साधन नेपाली बजारमा विक्री हुँदै आएका छन् । यी सवारी साधनको मर्मत सम्भारमा टाटाकै जेन्यूइन पार्टस्को प्रयोग गर्न आह्वान गर्दै कम्पनीले विभिन्न कार्यक्रमहरु सञ्चालन गर्दै अइरहेको छ ।

जेन्यूइन पार्टस् प्रयोग गरेर सिप्रद्धीको आधिकारिक सर्भिस सेन्टरमा गाडीको मर्मत सम्भार गराउँदा ग्राहकले स्पेयर पार्ट्समा ६ महिना आर्थत ५० हजार किलोमिटरसम्मको वारेन्टि पाउने कम्पनीको भनाई छ । जेन्यूइन पार्ट्सको प्रयोगले सवारी साधनको आयू लम्विने, मर्मत सम्भार खर्च कम पर्ने र उत्पादकत्व बृद्धि हुने जस्ता फाइदा लिन सकिन्छ ।