अटो एक्स्पोमा एमजी५ इलेक्ट्रिक कार सार्वजनिक हुँदैै, यस्तो छ रेन्ज र फिचर

एमजी मोटरले अटो एक्सपो २०२३ मा आफ्ना २ वटा इलेक्ट्रिक कार सार्वजनिक गर्ने तयारी गरिरहेको छ । कम्पनीले एमजी४ इलेक्ट्रिक क्रस ओभर र एमजी५ इलेक्ट्रिक एसयूभीको टिजर सार्वजनिक गरेको छ ।

एमजी५ ईभी ५ वटा ढोका भएको ५ सिटको इलेक्ट्रिक एसयूभी हो, जसलाई विश्व बजारमा स्टेशन वागन वा एस्टेट पनि भनिन्छ । यसलाई पहिलो पटक चीनमा २०१७ मा लन्च गरिएको थियो । गत वर्ष सो कारलाई नयाँ रुप दिइएको थियो ।

सो कार हाल युरोपेली बजारमा बिक्री भइरहेको छ । नयाँ एमजी५ को लम्बाई ४६०० एमएम, चौडाई १८१८ एमएम, उचाई १५४३ एमएम र ह्विलबेस २६५९ एमएम छ । साथै यसमा १३६७ लिटरको बुट स्पेस पनि छ ।

एमजी मोटरले एमजी५ मा २ वटा ब्याट्री अप्सन दिएको छ । ५०.३ किलोवाट आवरको ब्याट्रीले एक पटक चार्जमा ३२० किलोमिटरसम्मको रेन्ज दिन्छ । जबकि ठूलो ६१.१ किलोवाट आवर ब्याट्रीले एक पटक चार्जमा ४०० किलोमिटरसम्मको रेन्ज दिन्छ ।

कम्पनीले सो एसयूभीमा ११ किलोवाटको एसी चार्जर दिएको छ भने डीसी फास्ट चार्जरको प्रयोगले ४० मिनेटमा ८० प्रतिशतसम्म चार्ज गर्न सकिन्छ । छोटो रेन्जले १७७ पीएसको पावर र २८० एनएमको टर्क जेनेरेट गर्छ ।

लामो रेन्जको ट्रिमले १५६ पीएसको पावर र २८० एनएमको टर्क जेनेरेट गर्छ । एमजी५ ले ८.३ सेकेन्डमा ० देखि १०० किमी प्रतिघण्टाको गति लिन सक्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...