सडकमा कोरिएको सेतो र पहेँलो रङको लाइनले के सङ्केत गर्छ ?

सडकमा पहेँलो र सेतो रङले लेनको विभाजन गरेको देख्नु भएकै होला । प्रायः यसको बारेमा कमैलाई मात्र थाहा हुन्छ । यस्ता रेखा विभिन्न प्रकारका हुन्छन् । सडकमा हुने दुर्घटनाबाट बच्न यस्तो रेखाले पनि महत्वपूर्ण भुमिका खेलेको हुन्छ ।

सेतो रङको सिधा लाइन
कहि कतै सडकको बीचमा सिधा रेखाले सडकलाई विभाजन गरेको देख्नु भएकै होला । सडकमा सेतो रेखाको अर्थ जुन लेनमा ड्राइभ गर्दै हुनुहुन्छ त्यही लेनमा ड्राइभ गर्नु पर्छ भन्ने हो । यदि लेन परिवर्तन गर्नु परेमा सावधानी अपनाउनु पर्छ । यस्ता रेखाहरु विशेषगरी पहाडी भुभागमा वा साँघुरो बाटोमा कोरिएको हुन्छ । यसलाई अटुट रेखा पनि भनिन्छ ।

सेतो रङको टुटेको लाइन
सडकको बीचमा सेतो रङ तर बीच बीचमा टुटेको रेखा छ भने चालकले सवारी चलाउँदा लेन परिवर्तन गर्न सकिन्छ भन्ने अर्थ लाग्छ । त्यस्तो अवस्थामा पछाडिबाट आइरहेको सवारीलाई टर्न इन्डिकेटर दिएर लेन परिवर्तन गर्न सकिन्छ । तर, यसको लागि सावधानी अपनाउनु पर्छ ।

पहेँलो रङको रेखा
पहेँलो रङको रेखा सडकको छेउमा हुन्छ । यस्ता रेखा भएको स्थानमा पछाडिबाट आइरहेको सवारीलाई ओभरटेक गर्न दिन सकिन्छ भन्ने अर्थ लाग्छ । साथै पछाडिबाट आएका सवारी साधन देखेपछि होसियार भएर जुनसुकै सवारी साधनलाई पनि ओभरटेक गर्न पनि सकिन्छ । सो रेखा भएको ठाउँमा सवारी साधनलाई नियन्त्रणमा राख्नको लागि पनि प्रयोग गरिन्छ ।