नेपालमा बेनेली प्यानेरिया स्कुटरको एक वर्ष पुरा : उही मूल्यमै उपलब्ध

काठमाडौं – नेपाली बजारमा बेनेलीको नियो रेट्रो स्कुटर ‘प्यानेरिया’ भित्रिएको एक वर्ष पुरा भएको छ । गत वर्ष पुस ९ गते औपचारिक लन्च गरिएको सो स्कुटर हाल सम्म करिव ३ सय युनिट नेपाल भित्रिएका छन् ।

करिव २५० युनिट स्कुटर बिक्री भइसकेको नेपालका लागि बेनेलीको आधिकारिक विक्रेता केटीएम इन्टरनेसनल ट्रेडिङले बताएको छ । नेपाली बजारमा उपलब्ध यामाहा, होन्डा, टीभीएस, अप्रिलिया र भेस्पा लगायतका ब्रान्डसँग यसको प्रतिस्पर्धा छ ।

यो अवधिमा धेरै कम्पनीहरुले स्कुटरको मूल्य बढाए पनि बेनेलीले भने लन्च गर्दाकै समयको मूल्यलाई निरन्तरता दिएको छ । यसको मूल्य ३ लाख ३४ हजार ९ सय रुपैयाँ छ ।

प्यानेरिया १२५ ईएफआई एड्भान्स्ड मोडर्न फिचरले भरिएको क्लासिक लुकमा उपलब्ध नियो–रेट्रो कम्बिनेसनको स्कुटर हो । यसमा ईएफआई अर्थात इलेक्ट्रोनिक फ्युल इन्जेक्सन सहितको नोवल सिंगल सिलिन्डर एयरकुल्ड १२४ सीसीको इन्जिन छ, जसले ७५०० आरपीएममा ८.५ पीएसको पावर र ६००० आरपीएममा ९.२ एनएम टर्क जेनेरेट गर्छ ।

यसमा ड्युअल पिस्टन क्यालिपर सहितको ९० एमएम ट्राभल र १९० एमएम डिस्क ब्रेकिङ सिस्टम सहितको फ्रन्ट सस्पेन्सन छ भने टेलिस्कोपिक आयल ड्याम्पन्ड क्वाइल स्प्रिङ सहितको रियर सस्पेन्सन छ । यसमा १२ इन्च आल्मुनियम अलोय रिममा १००/९०–१२ र ११०/९०–१२ ट्युबलेस टायर छ ।

यो स्कुटरमा १२ इन्चको ह्विल, लेदर फिनिस्ड गरिएको आरामदायी सिट, ड्युअल पिस्टन क्यालिपर सहितको फ्रन्ट डिस्क ब्रेक, किल स्विच, हजार्ड लाइट र कम्फर्टेबल एलईडी लाइट सेटलगायतका विभिन्न प्रिमियम फिचर उपलब्ध छन् ।

यसमा मुनलाइट रिफ्लेक्सन सहितको डिजिटल ड्यासबोर्ड र एनालग ओडोमिटरको कम्बिनेसन भएको ड्यासबोर्ड छ । यसमा विभिन्न जानकारी सहज तरिकाले पाउन सकिन्छ ।