टाटा पन्च अब २०२३ मा इलेक्ट्रिक भर्सनमा आउने, सबैभन्दा सस्तो ईभी बन्ने

टाटा मोटर्सले टाटा पन्चको इलेक्ट्रिक भर्सन लन्च गर्ने तयारी गरिरहेको छ । नयाँ टाटा पन्च अर्को वर्ष बिक्री सुरु हुने अपेक्षा गरिएको छ । टाटा मोटर्सले नेक्सन ईभी सार्वजनिक गरेसँगै आफ्नो इलेक्ट्रिक यात्रा सुरु गरेको हो । त्यसपछि टिगोर र टियागोको इलेक्ट्रिक मोडल लन्च गरेको थियो ।

मिडिया रिपोर्टका अनुसार टाटा मोटर्सको नयाँ पन्च अर्को वर्षको दोस्रो हाफमा लन्च गर्ने सम्भावना छ । पन्च ईभी टाटा मोटर्सको नेक्सन, टिगोर र टियागो ईभी पछि चौथो प्यासेन्जर ईभी हुनेछ ।

नयाँ टाटा पन्च ईभीको लुक र डिजाइन यसको इन्टरनल कम्बसन इन्जिन मोडेल जस्तै हुनेछ । सो इलेक्ट्रिक कारलाई विशेष लुक दिनका लागि यसमा केही परिवर्तन गर्नेछ । टाटा पन्चको पेट्रोल भर्सन तुलनामा ईभी भर्सनमा धेरै फिचर समावेश हुनेछ ।

नयाँ इलेक्ट्रिक टाटा पन्च अल्फा प्लेटफर्ममा आधारित कम्पनीको पहिलो कार हुनेछ । यसमा २५ केडब्ल्यु ब्याट्री हुने अपेक्षा गरिएको छ र एक पटक चार्जमा लगभग २५० देखि ३०० किलोमिटरको ड्राइभिङ रेन्ज हुने अनुमान गरिएको छ । यो इलेक्ट्रिक एसयूभीले फास्ट चार्जिङलाई पनि सपोर्ट गर्नेछ ।

इलेक्ट्रिक टाटा पन्च सबैभन्दा सस्तो इलेक्ट्रिक एसयूभी हुनेछ । सो एसयूभीले नेक्सन ईभी र एक्सयूभी४०० सँग प्रतिस्पर्धा गर्नेछ । नयाँ टाटा पन्च ईभीको एक्स–शोरूम मूल्य १० लाख भारु हुने अपेक्षा गरिएको छ ।