गिलीको पान्डा मिनी ईभी सार्वजनिक : यस्तो छ आकर्षण

गिलीले चीनमा पाण्डा मिनी ईभी सार्वजनिक गरेको छ। केही समय पहिले चर्चामा रहेको टाटा नानो भन्दा पनि सानो माानिने पाण्डा मिनी ईभीको लम्बाई ३०६५ एमएम छ ।

एलएफपी ब्याट्री प्याक दिइएको ईभीमा ३० किलोवाट इलेक्ट्रिक मोटर छ, जसले फुल चार्जमा १५० किलोमिटर रेन्ज प्रदान गर्ने बताइएको छ ।

इलेक्ट्रिक कारको चार्जिङ डोरमा जियोमी लेखिएको छ। यसले गिलीको सब ब्राण्ड जियोमेट्रीलाई संकेत गर्छ। रिपोर्टका अनुसार मिनी ईभीलाई मूल रुपमा जियोमेट्री अन्तर्गत सार्वजनिक गर्ने तयारी गरिएको थियो। तर अन्तिम समयमा म्यानेजमेन्टले गिली ब्राण्डमै सार्वजनिक गरेको छ।

सो इलेक्ट्रिक कारको मूल्य सार्वजनिक नगरिए पनि यसको मूल्य ५ हजार ७ सय देखि ७ हजार २ सय अमेरिकी डलर हाराहारी हुने अनुमान गरिएको छ । सन् २०२३ देखि सो कार बिक्रीका लागि उपलब्ध हुनेछ ।

चिनियाँ बजारमा पहिले देखि नै प्रचलित किवी ईभी, बाउजुन ईभी र वुलिङ मिनी ईभी जस्ता साना ईभीसँग यसको प्रतिस्पर्धा हुनेछ ।