यस्तो हुनेछ महिन्द्राले सार्वजनिक गर्ने नयाँ इलेक्ट्रिक कार एक्सयूभी ४०० का १० विशेषता

महिन्द्रा एन्ड महिन्द्रा कम्पीले भारतमा पहिलो इलेक्ट्रिक एसयूभी एक्सयूभी ४०० लन्च गर्ने तयारी अवस्थामा रहेको छ । सो एसयूभी ३ भेरिएन्ट टप स्पेसिफिकेसन्स सहित लन्च गर्ने भएको छ ।

एक्सयूभी ४०० बेस, ईपी र ईएल भेरिएन्टमा लन्च हुनेछ ।

यसको टप भेरिएन्टमा महिन्द्राके एड्रेनो एक्स सफ्टवेयरको साथमा ७.० इन्च टचस्क्रिन, सिंगल प्यान सनरुफ र ओभर द एयरको साथमा कनेक्टेड टेक्नोलोजी जस्ता फिचर हुनेछ ।

सेफ्टीका लागि सो एसयूभीमा ६ वटा एयरब्याग, अल राउन्ड डिस्क ब्रेक र आईएसओफिक्स चाइल्ड सिट समावेश छ ।

यसमा ३९.४ केडब्ल्युएचको ब्याट्री समावेश छ जसले १५० एचपीको पावर र ३१० एनएमको टर्क जेनेरेट गर्छ ।

कम्पनीले सो एसयूभी ८.३ सेकेन्डमा ० देखि १०० किमी प्रतिघन्टाको गतिमा गुड्ने दाबी गरेको छ । यो श्रेणीमा सबैभन्दा तीव्र गतिको गाडी हुनेछ । यसको अधिकतम गति १५० किलोमिटर प्रतिघन्टा हुनेछ ।

सो एसयूभीको ब्याट्रीले सिंगल चार्जमा ४५६ किलोमिटरसम्मको रेन्ज प्रदान गर्न सक्ने छ ।

५० किलोवाट डिसी फास्ट चार्जरले यसलाई ५० मिनेटमा ० देखि ८० प्रतिशतसम्म चार्ज गर्न सकिन्छ ।

यसमा फन, फास्ट र फियरलेस गरी ३ ड्राइभिङ मोड रहेको छ ।

सो एसयूभीको मूल्य जनवरी २०२३ मा सार्वजनिक गरिने छ ।

यसको मूल्य भारतमा १८ देखि २० लाख भारु सम्म हुने अनुमान गरिएको छ ।