गुगल म्याप्समा अब काठमाडौंको लाइभ ट्राफिक हेर्न सकिने

काठमाडौं – गुगल म्याप्समा अब काठमाडौंको लाइभ ट्राफिक फिचर समेत उपलब्ध हुन थालेको छ । योसँगै अब काठमाडौंको एक स्थानबाट अर्को स्थानमा जादा सडकमा ट्राफिकको अवस्था वारेमा थाहा हुनेछ ।

गुगलले सन् २००७ देखि नै लाइभ ट्राफिक देखाउन प्रारम्भ गरेको थियो । अन्य देशमा उपलब्ध भए पनि यो फिचर नेपालमा भने उपलब्ध थिएन । यसरी सेवा प्रारम्भ गरेको करिव १५ वर्ष पछि बल्ल यो फिचर नेपालमा उपलब्ध हुन थालेको हो ।

गुगलले आफ्नो म्याप्स एपको पछिल्लो अपडेट मार्फत नेपालमा समेत आफ्नो यो सेवा विस्तार गरेको हो ।