भारतमा डिजेल इन्जिनको उत्पादन वन्द गर्दै होन्डा

जापनिज अटो निर्माता होन्डाले भारतमा डिजेल इन्जिनको उत्पादन वन्द गर्ने घोषणा गरेको छ । २०२३ को अप्रिल महिनादेखी भारतमा ‘रियल ड्राभिङ इमिसन’ मापदण्ड लागु हुनु अगावै कम्पनीले डिजेल इन्जिनको उत्पादन वन्द गर्ने घोषणा गरेको हो ।

विएस६ को फेज २ अन्तर्गत लागु हुन गैरहेको उक्त मापदण्डका कारण सवारीसाधनको मूल्य बृद्धि हुने भन्दै कम्पनीले यस्तो निर्णय लिएको हो ।

होन्डाले हाल भारतमा १.५ लिटर आई–डिटइसी डिजेल इन्जिन राखेर अमेज, सिटी, ज्याज र डव्लुआर–भीको उत्पादन गर्दै आइरहेको छ । जसमध्ये डब्लुआरभी र ज्याज एवं अमेजको केही भेरियन्टको केही समय अघिदेखिनै उत्पादन वन्द भैसकेको छ ।

होन्डाले भारतमा सन् २०१३ देखी डिजेल इन्जिनयुक्त कारको उत्पादन गर्दै आइरहेको थियो । उसले सवैभन्दा पहिले अमेजमा यो इन्जिनलाई प्रयोगमा ल्याएको थियो । डिजेल इन्जिन प्रयोग गरिएका होन्डा अमेज, सिटी र डव्लुआरभी नेपाली बजारमा समेत उपलब्ध रहँदै आइरहेका छन् ।