यस्ता छन् कारमा हुने हेडलाइटका प्रकार

रातको समयमा ड्राइभिङ गर्दा सबैभन्दा महत्वपूर्ण चिजहरू मध्ये एक हो हेडलाइट । हेडलाइट बिना रातमा ड्राइभिङ गर्न असम्भव नै छ भन्न सकिन्छ । प्रविधिको विकाससँगै बजारमा धेरै प्रकारका हेडल्याम्पहरू उपलब्ध हुन थालेका छन् । के तपाईंलाई थाहा छ हेडलाइट कति प्रकारका छन् ?

हेलोजन हेडल्याम्प
हेलोजन हेडल्याम्प सबैभन्दा सामान्य प्रकारको हेडलाइट हो, जुन अझै पनि सवारी साधनहरूमा प्रयोग भइरहेका छन् । यो सबैभन्दा सस्तो हुन्छ र यसको लागि कुनै पनि जटिल प्रविधि आवश्यक हुँदैन । त्यसकारण यसको प्रयोग गर्न, फिट गर्न र रिप्लेस गर्न सजिलो हुन्छ । हेलोजन हेडल्याम्पले पहेंलो प्रकाश उत्सर्जन गर्छ ।

जेनोन हेडलाइट
यसलाई सामान्यतया एचआईडी पनि भनिन्छ । जेनोन हेडलाइटलाई सीएफएल मान्न सकिन्छ किनकि यसमा कुनै फिलामेन्ट हुँदैन । यसमा जेनोन ग्यास हुन्छ । एचआईडी हेलोजनको तुलनामा बढी शक्तिशाली हुन्छ । तर यसलाई आफ्नो अधिकतम चमकमा पुग्न केही समय लाग्छ ।

एलईडी हेडलाइट
एलईडी भनेको लाइट इमिटिङ डायोड हो । हाल यो हेडलाइट सबै सवारी साधनमा जडान हुन थालेका छन् । यसले कारमा ऊर्जाको बचत गर्छ र कुनै पनि आकारमा ढाल्न सकिन्छ । त्यसैले यसलाई एलईडी डेटाइम रनिङ ल्याम्पको रुपमा प्रयोग गरिन्छ ।

म्याट्रिक्स एलईडी
यो एलईडीको एड्भान्स भर्सन हो । यसको सबैभन्दा ठूलो फाइदा यो हो कि यसमा क्यामेरा प्रयोग गरेर अगाडि आउँदै गरेको सवारीलाई निरन्तर निगरानी गर्न र केही हदसम्म आउँदै गरेको प्रकाशलाई रोक्न सक्छ । जसका कारण कारमा बसेका चालकलाई उज्यालोमा पनि सजिलै देख्न सकिन्छ ।

लेजर लाइट
लेजर लाइट प्रिमियम कारहरूमा जडान गरिन्छ र यो धेरै महँगो हुन्छ । यसको सबैभन्दा ठूलो फाइदा भनेको यसको प्रकाश लामो दूरीसम्म फैलिन्छ ।