होन्डाले सार्वजनिक गर्यो डब्लूआर–भीको सेकेन्ड जेनेरेशन

होन्डाले डव्लुआर–भीको सेकेन्ड जेनेरेशनलाई इन्डोनेशियामा सार्वजनिक गरेको छ । पूर्णत नयाँ डिजाइन र परिस्कृत फिचर्स सहित आएको यो नयाँ एसयूभी यसअघिको मोडलको तुलनामा केही फराकिलो र अग्लो देखिएको छ ।

होन्डा कन्सेप्ट आरएसमा आधारित भई डिजाइन गरिएको यो एसयूभीको लुक्स एचआर–भी र सिआर–भीको जस्तै देखिएको छ । कुपे एसयूभी जस्तै देखिएने यो नयाँ मोडलमा होन्डाले १.५ लिटर पेट्रोल इन्जिन दिएको छ । जसको अधिकतम पावर १२१ एचपी र टर्क १४५ एनएम रहेको छ । यसको ग्राउन्ड क्लिरियन्स २२० एमएम रहेको छ ।

यो नयाँ मोडलमा ६ वटा एयरव्याग सहित लेन किपिङ एसिस्ट, अटोमेटिक इमर्जेन्सि व्रेकिङ, लेन डिपार्चर वार्निङ, एडप्टिभ क्रुज कन्ट्रोल र अटो हाई विम एसिस्ट लगायत फिचर्स सामेल भभएको एडिएएस टेक्नोलोजी उपलब्ध गराइएको छ ।