आइडी ३ ह्याचव्याकमा आधारित नयाँ इलेक्ट्रिक एसयूभी तयार पार्दै फक्सवागन

जर्मन अटो निर्माता फक्सवागनले हाल कारोबार भैरहेको इलेक्ट्रिक ह्याचव्याक आइडी ३ मा आधारित नयाँ एसयूभी निर्माण गर्ने भएको छ । यो फक्सवागनको इन्ट्रि लेवल इलेक्ट्रिक एसयूभी रहने जनाइएको छ ।

फक्सवागनले यो एसयूभीमा नयाँ प्लेटफर्म एसएसपीलाई प्रयोगमा ल्याउने वताएको छ । जसले हाल प्रयोगमा आइरहेको एमइवी प्लेटफर्मलााई विस्थापित गर्नेछ । यो नयाँ एसयूभी २०२६ को सुरुवातमा लन्च हुने आँकलन गरिएको छ ।

फक्सवागनको हाल उपलब्ध इलेक्ट्रिक एसयूभी आइडी ४ भन्दा आकारमा केही सानो हुने यो एसयूभीले इन्ट्रि लेवल सेग्मेन्टमा राम्रो बजार लिने कम्पनीको भनाई छ । यो नयाँ एसयूभीमा कुन आकारको व्याट्री र कति क्षमताको मोटर जडान हुनेछ भन्ने विषयमा कुनै जानकारी दिइएको छैन ।

यो नयाँ एसयूभीको साथ फक्सवागनले पोलोमा आधारित इन्ट्रि लेवल ह्याचव्याक आइडी १ र टी क्रस एसयूभीमा आधारित अर्को नयाँ एसयुभी समेत लन्च गर्ने संभावना देखिएको छ । सन् २०२६ भित्र कम्पनीले १० नयाँ इलेक्ट्रिक कार लन्च गर्ने यसअघि नै बताइसकेको छ ।