दीपावलीमा एथर इनर्जीको २५० युनिट इलेक्ट्रिक स्कुटर डेलिभरी

भारतमा एथर इनर्जीले सोमबार दिपावलीका दिन फ्ल्यागशिप इलेक्ट्रिक स्कुटर एथर इनर्जीको २५० युनिट डेलिभरी गरेको छ । एथर इनर्जी १ दिन यति धेरै डेलिभरी भएको पहिलो घटना हो । कर्नाटकको राजधानी बेंगलुरुमा एथरको उच्च माग छ । बेंगलुरुमा आधारित कम्पनीले सेप्टेम्बरमा बिक्रीमा १९७ प्रतिशतले वृद्धि भएको छ ।

एथरसँग हाल ४५० प्लस र ४५० एक्स गरी २ वटा इलेक्ट्रिक स्कुटरहरू छन् । एथरले ४५० एक्स अपडेट गरेको छ । कम्पनीसँग हाल ४५० एक्स स्कुटरको तेस्रो जेनेरेशन मोडेल उपलब्ध छ ।

एथर ४५० प्लस
एथर ४५० प्लस ई–स्कुटरमा २.६ केडब्ल्युएच ब्याट्री रहेको छ । यसको इको मोडले ८५ किमी, राइड मोडले ७० किमी र स्पोर्ट मोडले ६० किमीको रेन्ज प्रदान गर्छ । यसले ५.४ केडब्ल्युको पावर र २२ एनएमको टर्क जेनेरेट गर्छ । ४५० प्लसले ३.९ सेकेन्डमा ४० किमी प्रतिघण्टाको गति लिन सक्छ र यसको टप स्पिड ८० किमी प्रतिघण्टा छ ।

एथर ४५० एक्स
एथर ४५० एक्स ई–स्कुटरमा ३.२४ केडब्ल्युएच ब्याट्री समावेश गरिएको छ । यो इलेक्ट्रिक स्कुटरले इको मोडमा १०५ किमी, राइड मोडमा ८५ किमी र स्पोर्ट मोडमा ७५ किमीको रेन्ज दिन्छ । ४५० एक्समा अतिरिक्त वार्प राइडिङ मोड पनि उपलब्ध छ, जसले ६५ किमीको रेन्ज प्रदान गर्ने क्षमता छ ।

यसको इलेक्ट्रिक मोटरले ६.२ केडब्ल्युको पावर र २६ एनएमको टर्क जेनेरेट गर्छ ।४५० एक्स ई–स्कुटरले ३.३ सेकेन्डमा ४० किमी प्रति घण्टाको गति लिन सक्छ र यसको ८० किमी प्रतिघण्टाको टप स्पिड रहेको छ ।

एथर ४५० एक्स इलेक्ट्रिक स्कुटरमा म्युजिक र कलको लागि ब्लुटुथ ४.२ जस्ता फिचर समावेश छ । यसमा टायर प्रेशर मोनिटरिङ सिस्टम एसेसरी पनि छ, जसले स्कुटरको रेन्ज बढाउन मद्दत गर्छ ।