टेस्लाले सस्तो मूल्यमा ह्याचव्याक कार निर्माण गर्ने, मूल्य २५ हजार डलरदेखी शुरु

विश्व प्रख्यात इभी निर्माता टेस्लाले सानो ह्याचब्याक निर्माण गर्ने भएको छ । इलेक्ट्रिक गाडीहरु बजारमा धेरैजसो महँगो आइरहेका बेला टेस्लाले सस्तो सस्तो मूल्यमा सानो कार निर्माण गर्न लागेको हो । बजेट कारको निर्माण गर्ने विषयको टेस्लाका सञ्चालक इलन मस्कले पुष्टि गरेका हुन् ।

टेस्लाको जोड अब सानो इलेक्ट्रिक कार निर्माणमा हुने उनले बताएका छन् । यसका लागि कम्पनीले नयाँ प्लेटफर्मको विकास समेत गर्ने उनले खुलाए । साना ह्याचब्याकलाई टेस्लाले छुट्टै प्लेटफर्ममा निर्माण गर्नेछ । यी कारको मूल्य हाल विक्री भैरहेका मध्यम रेन्जका मोडलको तुलनमा आधाले सस्तो पर्ने कम्पनीको भनाई छ ।

हाल टेस्लाले डिजाइन गरेको सानो ह्याचब्याक २५ हजार डलरसम्मका छन् । यसका लागि मोडल २ वा क्यु राखिने कम्पनीले जनाएको छ । हाल भएका मोडलहरुको सुरुवाती मूल्य ४८ हजार डलर निर्धारण गरिएको छ । यो नयाँ गाडी निर्माण गर्नको लागि प्राविधिक टोलीले अब नयाँ प्लेटफर्ममा आफ्नो मुख्य फोकस राख्ने कम्पनीको भनाइ छ ।

नयाँ कारमा कुन साइजको व्याट्री जडान हुने र यसको पावर तथा पर्फमेन्स र रेन्ज कति रहने भन्ने विषयमा कुनै विवरण वाहिर ल्याइएको छैन । पछिल्लो समय टेस्ला कारको मूल्यमा बृद्धि हुँदै गएपछि यसको बिक्री समेत प्रभावित वनिरहेको छ । बिक्री घट्न थालेपछि टेस्लाले बजेट कार ल्याउन गृहकार्य थालेको सहजै अनुमान लगाउन सकिन्छ ।