रोल्स रोयसको पहिलो इलेक्ट्रिक कार सार्वजनिक, यस्ता छन् फिचर

लक्जरी कार निर्माता रोल्स रोयसले आफ्नो पहिलो इलेक्ट्रिक कार स्पेक्टर सार्वजनिक गरेको छ । यो इलेक्ट्रिक कार आगामी वर्षको अन्त्यसम्ममा बजारमा आउनेछ । कम्पनीले यसलाई ‘अल्ट्रा लक्जरी इलेक्ट्रिक सुपर कुपे’ भनेको छ ।

रोल्स रोयसको लक्जरी कार स्पेक्टर पूर्णतया आल्मुनियमको हुनेछ । यसको मूल्य फ्यान्टम र कुलिनान बीच हुनेछ ।

कम्पनीले सो इलेक्ट्रिक कारमा अहिलेसम्मकै चौडा ग्रिल दिएको छ । यसका साथै यसमा स्प्लिट हेडल्याम्प डिजाइन, हेडल्याम्प क्लस्टर, हाई माउन्टेड अल्ट्रा स्लिम एलईडी डीआरएलसहित २३ इन्चको पाङग्रा जडान गरिएको छ ।

हालसम्म सो एसयुभी करिब २५ लाख किलोमिटरसम्म चलाएर परीक्षण गरिएको छ । कम्पनीले यसको वारेमा धेरै जानकारी दिएको छैन । तर मिडिया रिपोर्टका अनुसार कारले यसमा जडान गरिएको मोटरबाट ५८५ बीएचपी र ९०० न्युटन मिटर टर्क जेनेरेट गर्नेछ ।

एकपटक चार्ज गरेपछि यो कार ५२० किलोमिटरसम्म चलाउन सकिन्छ । यो कारलाई ० देखि १०० किलोमिटर प्रतिघन्टाको गतिमा पुग्न मात्र ४.५ सेकेन्ड लाग्छ ।

कम्पनीले हालसम्म सो इलेक्ट्रिक कार लन्च गर्ने बारे कुनै जानकारी दिएको छैन । तर मिडिया रिपोर्टका अनुसार यसलाई अर्को वर्ष लन्च गर्ने सम्भावना रहेको छ ।