सार्वजनिक भयो यस्तो माइक्रो ईभी

जर्मन ब्रान्ड ई.गो (e.Go) ले २०२२ पेरिस मोटर शोमा माइक्रो इलेक्ट्रिक कार ई.वेभ एक्स (e.Wave X) लन्च गरेको छ । कम्पनीको दोस्रो प्रोडक्सन मोडल र ई.गो लाइफको क्रसओभर भेरिएन्ट ई.वेभ एक्स ३.४१ मिटर लामो छ । यसमा ३ ढोका र ४ सिट छ भने यसमा भएको ८६ किलोवाट ब्याट्रीले ११० बीएचपी पावर जेनेरेट गर्छ ।

यसले २४० किलोमिटरको ड्राइभिङ रेन्ज प्रदान गर्ने बताइएको छ भने यसमा त्यही अनुसार अपडेट गरिएको मोटर प्रयोग गरिएको छ ।

ई.वेभ एक्समा २३ इन्च प्यानल सहितको फुल्ली रिडिजाइन गरिएको ड्यासबोर्ड छ भने यसमा डिजिटल इन्स्ट्रयुमेन्ट क्लस्टर र इन्फोटेनमेन्ट टचस्क्रिन रहेको छ । यसको तलतिर सर्टकट हार्ड बटन छ भने भेगन लेदर अपहोल्स्ट्री, आल्मुनियम स्टाइल प्लास्टिक ट्रिम र वायरलेस चार्जिङ प्याड लगायतका विभिन्न फिचर छन् ।

चार सिटे सो ईभी रियर ह्विल ड्राइभयुक्त छ, जसमा इको, कम्फर्ट र स्पोर्ट गरी तीन ड्राइभ मोड रहेका छन् ।

सो गाडी सन् २०२२ को अन्त्य सम्ममा ग्राहकलाई डेलिभरी गरिने बताइएको छ । यसको मूल्य २४ हजार ९९० युरोबाट प्रारम्भ हुन्छ ।