अब अर्को इलेक्ट्रिक बाइक नेपाली बजारमा

भारतीय कम्पनी जोय ई–बाइकका विभिन्न मोडल नेपाली बजारमा उपलब्ध भएका छन् । गत असोज ६ देखि ९ गते सम्म आयोजित नाडा ईभी एक्सपो २०२२ मा जोय ई–बाइकका विभिन्न मोडल सार्वजनिक गरिएका थिए । महावीर अटोमोबाइल्सले यी इलेक्ट्रिक बाइक नेपाली बजारमा छिट्टै नै आधिकारिक रुपमा लन्च गर्ने बताएको छ ।

जोय ई–बाइकका बिस्ट, थन्डरबोल्ट, स्काइलाइन र हरिकेन गरी चार मोडल नेपाली बजारमा उपलब्ध छन् । यी सबै बाइकमा ५ हजार वाटको मोटर छ । तीन मोडल बिस्ट, थन्डरबोल्ट र स्काइलाइनमा ७२ भोल्ट ७२ एम्पियरका ब्याट्री छन् । हरिकेनमा ७२ भोल्ट ६६ एम्पियरको ब्याट्री छ ।

नर्मल अर्थात स्पोर्ट मोडमा चलाउदा यी बाइकले ११० किलोमिटर र स्पोर्ट मोडमा चलाउदा १६० किलोमिटर सम्मको रेन्ज दिन्छ । ब्याट्रीमा ३ वर्ष र मोटर तथा कन्ट्रोलरमा १ वर्षको वारेन्टी उपलब्ध छ ।

बिस्टको मूल्य ४ लाख ८६ हजार ९ सय, स्काइलाइनको ४ लाख ७१ हजार ९ सय, थन्डरबोल्टको ४ लाख ८१ हजार ९ सय र हरिकेनको ४ लाख ७५ हजार ९ सय रुपैयाँ छ ।