दुबईको आकाशमा पहिलो पटक उड्यो अल–इलेक्ट्रिक फ्लाइङ ट्याक्सी

दुबईमा पहिलो पटक अल–इलेक्ट्रिक फ्लाइङ ट्याक्सी उडेको छ । दुई सिटे एक्सपेङ एक्स२ नामक सो ट्याक्सी ३ सय फिट सम्म उड्न सक्छ । बढीमा ३५ मिनेट सम्म उडाउन सकिने सो ट्याक्सीलाई जुनसुकै स्थानमा पनि उडाउन सकिन्छ र आवश्यक परेमा दुर्घटनाबाट बचाउन प्यारासुटको समेत प्रयोग गर्न सकिन्छ ।

दुबईमा भइरहेको जीटेक्स ग्लोबल इभेन्टमा पहिलो पब्लिक फ्लाइट सम्पन्न गरिएको थियो । यसको मूल्य बेन्ट्ले र रोल्स रोयस जस्ता लक्जरी कार जत्तिकै हुनेछ र सन् २०२५ सम्म बजारमा उपलब्ध हुन सक्ने छ ।

यसलाई छोटो समयका लागि उडाउन सकिने भएकाले विभिन्न स्थानको दृश्यावलोकनका लागि प्रयोग गर्न सकिने छ ।

यसलाई उडाउनका लागि चार वटा विभिन्न ब्याट्री प्याक प्रयोग गरिन्छ ।