नासाको नयाँ स्पेस टेक्नोलोजी : मात्र ५ मिनेटमा इलेक्ट्रिक कार चार्ज गर्न सकिने

अमेरिकी अन्तरिक्ष एजेन्सी नासाले भविष्यको अन्तरिक्ष अभियानका लागि नयाँ प्रविधिको विकास गरेको छ । सो प्रविधिले इलेक्ट्रिक कारलाई ५ मिनेटमा चार्ज गर्न सक्ने बताएको छ ।

अमेरिकाको पर्ड्यू विश्वविद्यालयका शोधकर्ताले अन्तर्राष्ट्रिय अन्तरिक्ष स्टेशनमा लामो अवधिको माइक्रोग्राभिटी वातावरणमा टु फेज फ्लुइड फ्लो र हिट ट्रान्सफर प्रयोग सक्षम पार्न फ्लो बाइलिङ र कन्डेन्सेसन प्रयोग गरेका छन् । यो टेक्नोलोजी पृथ्वीमा पनि प्रयोग गर्न सकिने जानकारी दिएका छन् ।

इलेक्ट्रिक कारका लागि लामो समयसम्म चार्जिङ गर्नुपर्ने र चार्जिङको स्थानले निकै समस्या झेल्नुपरेको छ । हाल इलेक्ट्रिक कार चार्जिङको लागि सडकमा रहेको चार्जिङ स्टेशनमा २० मिनेटदेखि घरमा घन्टौसम्म चार्ज गर्नुपर्ने हुन्छ ।

इलेक्ट्रिक सवारी साधनको चार्जिङ समय घटाएर ५ मिनेटमा पु¥याउने सबै कार निर्माताले लक्ष्य राखेका छन् । यसका लागि १४०० एम्पियरसम्म करेन्ट प्रदान गर्न चार्जिङ सिस्टम आवश्यक छ । हालको एड्भान्स चार्जरले ५२० एम्पियरमात्र करेन्ट प्रदान गर्छ । अधिकांश उपभोक्ताका लागि चार्जर १५० एम्पियर भन्दा पनि कम करेन्ट आपूर्ति भइरहेको छ ।

नासाको सो प्रयोगबाट सिकेको टेक्नोलोजीलाई इलेक्ट्रिक सवारी साधन चार्ज गर्ने प्रक्रियामा लागु गरिएको छ । सो नयाँ प्रविधि प्रयोग गरेर, डाइइलेक्ट्रिक, गैर–इलेक्ट्रिकली कन्डक्टिङ र लिक्विड कुलेन्टको चार्जिङ केबल मार्फत पम्प गरिन्छ, जहाँ यसले करेन्ट वाहक कन्डक्टरले उत्पन्न गरेको तापलाई अवशोषित गर्छ ।

सबकुल्ड फ्लो बाइलिङको माध्यमबाट टोलीले २४.२२ किलोवाट गर्मीलाई हटाएर हाल बजारमा उपलब्ध सबैभन्दा छिटो इलेक्ट्रिक सवारी चार्जरको ४.६ गुणा करेन्ट प्राप्त गरेको थियो । उक्त चार्जिङ केबलले २४०० एम्पियर मात्र उपलब्ध गराउन सक्षम छ । यो इलेक्ट्रिक कार चार्ज गर्न लाग्ने समयलाई ५ मिनेटमा घटाउन आवश्यक पर्ने १४०० एम्पियर भन्दा धेरै हो ।