हिरोले नयाँ इलेक्ट्रिक स्कुटर आज लन्च गर्दै

हिरोले फेस्टिभ सिजनको अवसरमा हिरोको नयाँ इलेक्ट्रिक स्कुटर भिडा आज भारतमा लन्च गर्दैछ । यसमा ब्याट्री स्वापिङ टेक्नोलोजीको उपयोग गरिएको छ । यसको ब्याट्री सकिएपछि राइडर आफैले यसलाई सजिलै बदल्न सकिनेछ ।

हिरो भिडाको लन्चिङको जानकारी कम्पनीको आधिकारिक ट्विटरबाट सार्वजनिक गरिएको थियो । कम्पनीले भिडामा मोड्युलर चार्जिङ सिस्टम हुने बताएको थियो । यसलाई पोर्टेबल ब्याट्रीबाट जहाँ पनि, जुनसुकै बेला पावर दिन सकिनेछ ।

हिरोको सो नयाँ इलेक्ट्रिक भिडा स्कुटरले बाउन्स इन्फिनिटी ई१सँग प्रतिस्पर्धा गर्नेछ, किनभने यसमा पनि ब्याट्री स्वापिङको सुविधा रहेको छ ।

हिरोले सन् २०२१ मा नै ताइवानको ब्याट्री सप्लायर कम्पनी गोगोरोसँग साझेदारी गरेको थियो । यो साझेदारी अन्तर्गत दुबै कम्पनीले भारतमा इलेक्ट्रिक टु ह्विलर निर्माण गर्ने र ब्याट्री स्वापिङ नेटवर्क स्थापना गर्ने काम गरिरहेका छन् ।

कम्पनीले सो स्कुटर १ लाख भन्दा कम मूल्यमा लन्च गर्ने अनुमान गरिएको छ । टीभीएस आईक्युब जस्तै सो स्कुटर कम्प्युटर बेस्ड मोडल हुने र लेटेस्ट टेक्नोलोजीले सुसज्जित हुनेछ ।