बीवाईडीले जर्मन कार रेन्टल कम्पनी सिक्स्टलाई १ लाख ईभी उपलब्ध गराउने

जर्मन कार रेन्टल कम्पनी सिक्स्ट (SIXT) ले चाइनिज इलेक्ट्रिक कार निर्माता कम्पनी बीवाईडी (BYD- Build Your Dreams) सँग १ लाख युनिट ईभी खरिद गर्ने सम्झौता गरेको छ । युरोपमा यही वर्ष देखि नै यी कार भाडाका लागि उपलब्ध हुनेछन् ।

युरोपमा बीवाईडी ईभी भाडामा उपलब्ध गराउने सिक्स्ट पहिलो कार रेन्टल कम्पनी हुनेछ । पहिलो चरणमा केही हजार ईभी जर्मनी, फ्रान्स, नेदरल्यान्ड र युकेमा उपलब्ध हुनेछन् ।

पहिलो चरणमा बीवाईडी एट्टो३ कार रेन्टलका लागि उपलब्ध हुनेछ । युनिक खालको ब्लेड ब्याट्री उपलब्ध एट्टो३ बीवाईडीको लोकप्रिय इलेक्ट्रिक कार हो ।

सिक्स्टका अनुसार सन् २०३० सम्म युरोपेली बजारमा सिक्स्टले ७० देखि ९० प्रतिशत गाडी इलेक्ट्रिफाई गर्ने योजना बनाएको छ र त्यसैको एक भागको रुपमा बीवाईडीसँग सम्झौता भएको हो ।