भारतको चर्चित इलेक्ट्रिक स्कुटर ब्रान्ड ‘ओला’ नेपाल आउने

काठमाडौं – भारतको चर्चित इलेक्ट्रिक स्कुटर ब्रान्ड ओला नेपाल भित्रिने भएको छ । नेपालका लागि आधिकारिक वितरकको रुपमा सीजी मोटर्सले सो ब्रान्ड नेपाल ल्याउने भएको हो ।

सीजी मोटर्सले केही समय यता नेपाली बजारमा चीनको होजोन मोटर्सद्वारा उत्पादित नेटा भी इलेक्ट्रिक कार बिक्री–वितरण गरिरहेको छ । अब भने सोही कम्पनीले ओला स्कुटर समेत नेपाल ल्याउने भएको हो ।

भारतमा अत्यधिक माग भएर चर्चामा रहेको सो ब्रान्ड नेपाल भित्र्याउन धेरै कम्पनीहरु लागिपरेकोमा चौधरी ग्रुप अन्तर्गतको सीजी मोटर्सले जिम्मेवारी पाएको हो । आगामी असोज ६ देखि ९ गते सम्म आयोजना हुने नाडा ईभी एक्सपो २०२२ मा केही मोडल प्रदर्शन हुने अनुमान गरिएको छ ।

ओलाका एस१ र एस१ प्रो गरी दुई मोडल छन् । त्यसैगरी कम्पनीले आगामी दिनमा इलेक्ट्रिक कार ल्याउने समेत बताएको छ र टिजर सार्वजनिक भइसकेको छ ।