नाडा ईभी एक्सपो २०२२ का लागि लक्की ड्र कार्यक्रम सम्पन्न

काठमाडौं - नेपालमा पहिलो पटक नाडाले आयोजना गर्न लागेको नाडा ईभी एक्सपो २०२२ मा चार पाँग्रे, तीन पाँग्रे दुई पाँग्रे विद्युतीय सवारी साधनहरुको उल्लेख्य सहभागिता रहने भएको छ ।

यसैगरी सो प्रदर्शनीमा अटो कम्पोनेण्ट, टायर, व्याट्री, ग्यारेज इक्विपमेन्ट्स, चार्जिङ्ग स्टेशन, लगायत बैङ्क तथा इन्स्योरेन्स कम्पनीहरु समेत गरी कुल ४५ भन्दा बढी कम्पनीहरुको सहभागिता हुने भएको छ ।

काठमाडौको भृकुटी मण्डपमा आगामी असोज ६ गते देखि ९ गतेसम्म आयोजना हुने नाडा ईभी एक्सपो २०२२ मा सहभागी हुने कम्पनीहरुको लागि लक्की ड्र कार्यक्रम आज टेकुस्थित आफनै सचिवालयमा सम्पन्न गरेको नाडा अटो एक्सपो समितिका सभापति अनुप बरालले जानकारी दिए ।

उक्त लक्की ड्र कार्यक्रममा नाडाका अध्यक्ष ध्रुव थापा, कोषाध्यक्ष मिलनबाबु मल्ल तथा केन्द्रीय कार्य समिति सदस्य प्रदिपमान प्रधान समेतको उपस्थिति रहेको थियो ।

नाडाले नाडा ईभी एक्सपो २०२२ को तयारी तीव्र गतिमा भइरहेको बताएको छ ।