पोखरामा महिन्द्राको सर्भिस र स्पेयर पार्टस सहितको नयाँ आउटलेट सञ्चालनमा

पोखरामा महिन्द्रा गाडीको सर्भिस र स्पेयर पार्ट्स सहितको नयाँ आउटलेट पोखरा अटो वक्र्स सञ्चालनमा आएको छ । त्यहाँस्थित आधिकारिक बिक्रेता बतास व्रदर्शसंगको सहकार्यमा यो नयाँ आउटलेट संचालनमा आएको हो । नयाँ आउटलेट पोखराको प्रश्याङ्गमा अवस्थित रहेको छ ।

यो नयाँ आउटलेटको उद्घाटन समारोहमा अग्नी ग्रुपका प्रबन्ध निर्देशक क्याबिनेट श्रेष्ठ, अग्नी ग्रुपका कार्यकारी निर्देशक अर्जुन प्रसाद शर्मा, बतास अर्गनाइजेशनका अध्यक्ष आनन्द राज बतास, बालाजु अटो वक्र्सका स्पेयर पार्ट्स हेड युगल सिंह लगायतको उपस्थिती रहेको थियो ।

अग्नी ग्रुपले गाडीको विक्री संगसंगै बिक्री पछिको सेवा सहज बनाउन देशभर यस्ता नेटवर्क बिस्तार गरिरहेको छ । यस्ता नेटवर्कबाट सेवाग्राहीलाई गुणस्तरीय सेवा दिईरहेको उसको भनाई छ । आफ्ना ग्राहकलाई उत्कृष्ट तथा सहज सेवाको पहुँच बढाउने उद्देश्यका साथ यसरी नै आफ्ना डिलर र सब डिलरमार्फत थप नेटवर्क विस्तार गर्ने कम्पनीले योजना वनाएको छ ।