जीडब्लुएम नेपालद्वारा कम्प्याक्ट पिकअप ट्रक विंगल ५ नेपालमा सार्वजनिक

काठमाडौं – जीडब्लुएम नेपालले नेपालमा आफ्नो धेरै लोकप्रिय पिकअप ट्रक विंगल ५ लन्च गरेको छ । यो कम्प्याक्ट पिकअप ट्रकलाई चिनियाँ अटोमेकर जीडब्लुएमद्वारा डिसेम्बर २००६ मा निर्माण र मार्केटिङ गरिएकोे थियो । यो विदेशी बजारमा निर्यात र अष्ट्रेलियामा बिक्री हुने पहिलो चिनियाँ पिकअप ट्रक हो र अन्य ब्रान्डहरू भन्दा धेरै अगाडि छ । पिकअप लाइन अपमा यो चीनमा बिक्री हुने पिकअपमा धेरै वर्ष शीर्ष स्थानमा रहेको छ ।

नेपालमा अब उपलब्ध विंगल ५ पिकअपमा १४१ एचपी पावर र ३०५ एनएम टर्क जेनेरेट गर्ने नयाँ २.० लिटर टर्बो–डिजेल इन्जिन छ । यो पिकअप स्तरीय अलोय ह्विल, रेडियो, इलेक्ट्रिक विन्डोज, लेदर–ट्रिम गरिएको सिट, रियर डिफरेन्सियल लक, टायर प्रेसर मोनिटरिङ सिस्टम र अटो–एयर कन्डिसनले सुसज्जित छ । यसमा भएको २.० लिटर इन्जिनले उच्च दक्षता, कम इन्धन खपत र उल्लेखनीय कार्य क्षमता प्रस्तुत गर्दछ ।

यसमा अगाडिको भागमा स्टाइलिस ग्रिल डिजाइन भएको डीआरएल छ । यसको बाह्य साइड मिररहरूमा टर्न इन्डिकेटर जस्ता सुविधाहरू पनि समावेश गरिएको छ । यसको भागमा हेलोजन बत्तीहरूको साथ सीधा डिजाइन छ र कार्गो बडीमा स्क्र्याच वा कुनै पनि प्रकारको क्षतिबाट बच्न कम्पनी फिट बेडलाइनरहरू छन् । यसको अलोय लुकले बाहिरी बनावटलाई प्रिमियम देखिन मद्दत पु¥याएको छ । छालाको फिनिसको साथ प्रिमियम देखिने भित्री भागका लागि पनि त्यस्तै भन्न सकिन्छ ।

विंगल ५ स्काई सिल्भर, पर्ल ब्ल्याक र टाइटेनियम ह्वाइट गरी तीन कलर अप्सनमा उपलब्ध हुनेछ । नेपाली बजारका लागि यो कम्प्याक्ट पिकअप ट्रकको मूल्य ५२ लाख ४९ हजार रुपैयाँ तोकिएको छ ।

भीजी इमपेक्स प्रालि (जीडब्लुएम नेपाल) ले ग्रेटवाल मोटर्स (जीडब्लुएम) ब्रान्डका सवारी साधनहरु नेपाली बजारका लागि आधिकारिक आयातकर्ता र वितरकको रुपमा कार्य गरिरहेको छ । हाल जीडब्लुएम नेपालले हाल नेपाली बजारमा ह्यावल एच६, ह्यावल जोलायन र पावर जस्ता लोकप्रिय ग्लोबल मोडलहरू बिक्री गरिरहेको छ । त्यसैगरी विश्वव्यापी रणनीति पछ्याउँदै नेपालमा ओरा गुड क्याट ईभी पनि ल्याउने योजना बनाएको छ ।

जीडब्लुएम चीनमा आधारित एक विश्व प्रसिद्ध एसयूभी र पिकअप निर्माता हो । जीडब्लुएमसँग हाल ह्यावल, वेई, ओरा र जीडब्लुएम गरी चार ब्रान्डहरु छन् ।