टीभीएसको इलेक्ट्रिक स्कुटर आईक्युबको बिक्री उच्च, नेपालमा पनि आउने

टीभीएसले इलेक्ट्रिक २ पाङ्ग्रे र ३ पाङ्ग्रे सवारी साधनमा ठूलो लगानी गरिरहेको छ । गत वर्ष कम्पनीले १ हजार करोड भारु लगानी गरेको थियो भने यो वर्ष पनि कम्पनीले १ हजार करोड भारु लगानी गर्ने घोषणा गरेको छ । सो बजेट नयाँ ईभी उत्पादन र क्षमता विकासमा प्रयोग गरिनेछ ।

ईभी सेगमेन्टमा कुनै प्रतिद्वन्दी नभएकाले कम्पनीले ईभी सेगमेन्टमा ठूलो अवसर देखेको छ । टीभीएस कम्पनी टप ईभी कम्पनी मध्ये एक बन्ने सम्भावना छ । ईभी सेगमेन्टमा दर्जनौं कम्पनी प्रवेश गरिसकेको छ । भारतमा टीभीएस हाल टप १० सूचीमा छ, तर ओकिनावा, हिरो इलेक्ट्रिक, ओला इलेक्ट्रिक, एम्पियर र एथर भन्दा पछि छ ।

टीभीएसले हालै अपडेट आईक्युब लन्च गरिसकेको छ, जसको बुकिङ अधिक मात्रामा भएको थियो । टीभीएस मोटरका एमडी सुदर्शन वेणुले यस वर्षको अन्त्यमा अर्को नयाँ ईभी लन्च गर्ने बताएका छन् । जुन २०२२ मा कम्पनीले ४ हजार ६ साय ६७ युनिट आईक्युब बिक्री गरेको थियो । पछिल्लो १२ महिनामा आईक्युबको औसत बिक्री बढेर १ हजार ५ सय ४६ युनिट पुगेको छ ।

टीभीएसले आफ्नो आईसीई पोर्टफोलियोलाई नयाँ सेगमेन्टमा प्रवेश गर्नको लागि पनि काम गरिरहेको छ । कम्पनीले आईसीई र इलेक्ट्रिक मोबिलिटी दुवै सेगमेन्टमा सफलता हासिल गर्नसफल हुने अपेक्षा गरेको छ ।

नेपाली बजारमा पनि टीभीएसको इलेक्ट्रिक स्कुटर आउने अपेक्षा गरिएको छ । नेपालका लागि आधिकरिक वितरक जगदम्बा मोटर्सले भविष्यमा सो इलेक्ट्रिक स्कुटर नेपाली बजारमा उपलब्ध हुने अपेक्षा गर्न सकिने बताएको छ ।