बेनेली मोटोभ्लगर्स मिट सम्पन्न : गरे जानकारी आदानप्रदान र टेस्ट राइड

काठमाडौं – बेनेली नेपालले भिडियोग्राफीको माध्यमबाट आफ्नो क्रिएटिभ आइडिया सेयर गर्ने विभिन्न मोटो भ्लगर्सहरुको भेटघाट कार्यक्रम ‘बेनेली मोटोभ्लगर्स मिट’ सम्पन्न गरेको छ । शनिबार सम्पन्न सो कार्यक्रममा ४० भन्दा बढी मोटो भ्लगर्सहरु भेला भएका थिए ।

सो अवसरमा मोटो भ्लगर्सहरुलाई रोड सेफ्टी र विभिन्न कानुनी पक्षहरुका वारेमा जानकारी प्रदान गरिएको थियो भने उनीहरुले आफ्नो मोटो भ्लगिङ यात्राको वारेमा समेत जानकारी आदानप्रदान गरेका थिए ।

नेपाली बजारमा उपलब्ध इटालियन ब्रान्ड बेनेलीका विभिन्न मोडलहरु ७५२एस, टीएनटी ६००आई, ३०२एस, टीआरके२५१ र प्यानेरिया १२५ समेत सो अवसरमा प्रदर्शन गरिएको थियो र उनीहरुले यी बाइक तथा स्कुटर टेस्ट राइड गरेर आफ्नो अनुभव लिएका थिए ।

सन् १९११ मा इटालीको पेसारोमा टेरेसा बोनी बेनेली परिवारले बेनेलीको स्थापना गरेका थिए । इटालीका दुई पुराना मोटरसाइकल ब्रान्ड मध्ये बेनेली एक हो । बेनेलीले स्ट्रिट र स्पोर्ट पर्फमेन्स मोटरसाइकलका साथै प्रिमियम स्कुटर समेत नेपाली बजारमा उपलब्ध गराउदै आएको छ । सबै प्रकारका राइडरका लागि उही समयमा अल्टिमेट राइडिङ एक्सपेरियन्स र सेफ्टी प्रदान बेनेली मोटरसाइकल र स्कुटर उत्पादन गरिएको कम्पनीको भनाइ छ । हाल विश्वका ९० भन्दा बढी देशमा बेनेलीको उपस्थिति छ ।

नेपालमा केटीएम इन्टरनेसनल ट्रेडिङ प्रालिले बेनेलीका साथै किवे ब्रान्डको समेत कारोबार गरिरहेको छ । सन् २०१५ देखि कार्यरत केटीएम इन्टरनेसनलले हाल नेपालभर थ्रीएस सहितको २६ आउटलेटमार्फत सेवा उपलब्ध गराइरहेको बताएको छ ।