हुन्डाईको सस्तो इलेक्ट्रिक कार लन्च गर्ने योजना : आई१० इलेक्ट्रिकमा आउने

हुन्डाईले सानो इलेक्ट्रिक ह्याचब्याक ल्याउने तयारी गरिरहेको छ । सो ह्याचब्याक कम्पनीको अहिलेसम्मकै सबैभन्दा किफायती इलेक्ट्रिक कार हुनेछ । सो इलेक्ट्रिक ह्याचब्याक आई१० हुन सक्ने अनुमान गरिएको छ ।

भारतमा हुन्डाईले चाँडै नै नयाँ इलेक्ट्रिक कार आयोनिक ५ समेत लन्च गर्ने अनुमान गरिएको छ । सो एसयूभी स्थानीय स्तरमा एसेम्बल गर्ने भएकाले यसको मूल्य तुलनात्मक रुपमा कम हुने अपेक्षा गरिएको छ । भारतमा लन्च हुने इलेक्ट्रिक आयोनिक ५ को मूल्य १० लाख देखि १२ लाख भारुसम्मको हुने अनुमान छ ।

हाल बजारमा टाटा मोटर्सको सानो ईभीको दवदावा छ । बजारमा एमजी मोटरको जेडएस ईभी र हुन्डाईको कोना ईभी उपलब्ध छ । एमजीले पनि २०२३ सम्ममा कम लागतको इलेक्ट्रिक कार लन्च गर्ने योजना बनाएको छ ।

रिपोर्टका अनुसार हुन्डाईले आफ्ना ईभी कम लागतमा लन्च गर्नका लागि अनुसन्धान गरिरहेको छ । यूरोपका लागि हुन्डाई मोटरका मार्केटिङ प्रमुख एन्ड्रियास क्रिस्टोफ होफम्यानले युरोपेली बजारमा यस्ता ईभी लगभग २० हजार यूरोमा लन्च गर्ने योजना बनाइरहेको बताएका छन् ।

होफम्यानले साना इलेक्ट्रिक कार कम लागतमा निर्माण गर्नु चुनौती रहेको बताए । अन्य एसयूभीको तुलनामा सानो इलेक्ट्रिक कारमा मार्जिन पनि कम हुने जानकारी दिएका छन् ।