फोटोनका इलेक्ट्रिक कार्गो र स्कुल भ्यान नेपाल आउने

फोटोन मोटरको नेपालका लागि आधिकारिक वितरक एमएडव्लु वृद्धि कमर्सियल भेइकल प्रालिले इलेक्ट्रिक कार्गो र स्कुल भ्यान समेत नेपाल ल्याउने भएको छ । पिकअप र माइक्रोवस आयत गरी कारोबार गर्दै आइरहेको यो कम्पनीले यी सवारीसाधन अवको केही समयपछि नेपाल भित्राउने जनाएको छ ।

बजारमा इलेकिट्रक भेइकलको मागमा बृद्धि हुँदै गएको र यस्ता साधनमा उपभोक्ताको रुची बढ्न थालेपछि चीनबाट आयत गर्न लागिएको कम्पनीले बताएको हो । इलेक्ट्रिक भेइकल उत्पादनमा चीन अग्र स्थानमा रहँदै आएको र त्यहाँ निर्मित यस्ता साधन नेपाल ल्याउँदा मूल्य समेत कम पर्ने उसको भनाई छ ।

एमएडब्लु ग्रुप अन्तर्गतको यो कम्पनीले पछिल्लो समय फोटोन ब्रान्डलाई आक्रमक तवरबाट बजारिकरण गरिरहेको छ । यो कम्पनीले बिक्री गर्ने टुनल्यान्ड पिकअप र माइक्रोवस बजारमा सफल भैसकेका छन् भने मिनी ट्रक अमार्कको समेत कारोवार थाल्ने तयारीमा छ । कम्पनीले बिक्री संगसंगै बिक्रिपछिको सेवा विस्तरामा समेत उत्तिकै जोड दिइरहेको छ ।