डलर महंगो हुँदा तेस्रो मुलुकबाट आउने यी गाडीको मूल्यमा तत्कालै असर पर्ने

डलरको तुलनामा स्थानीय मुद्रा कमजोर हुँदै गएपछि तेस्रो मुलुबाट आयत हुने सवारीसाधनको मूल्यमा तत्कालै असर पर्ने देखिएको छ । जसको सुरुवात हुन्डाई कोनामार्फत भैसकेको छ भने अन्य गाडीको समेत मूल्य बढ्दै जाने देखिएको हो ।

हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले केही दिन अघिमात्र डलर महंगो भएको भन्दै कोनामा २ लाख ६० हजार रुपैयाँसम्म मूल्य बढाएको थियो । यसले पनि अवका दिनमा यसको प्रभाव विस्तारै अन्य गाडीमा समेत पर्ने देखिएको हो । अघिल्लो आर्थिक वर्षको यही समयमा १ डलर वरावर नेपाली रुपैयाँ ११७ कायम भएकोमा अहिले यो वढेर १२८ रुपैयाँ माथि पुगिसकेको छ ।

यसरी डलर महंगिदै जाँदा तत्कालै तेस्रो मुलुकबाट आयात हुने टोयोटा एवं मित्सुविसी व्रान्डका एसयूभी, ल्यान्डरोभर, टेस्ला, मर्सिडिज वेन्ज, प्युजो, विवाइडी, नेटा भी, एमजी जेडएस ईभी, जिप, हुन्डाईका केही एसयूभी लगायत ब्रान्डको मूल्य बढ्ने देखिएको हो । भारतबाट आयात हुने व्रान्डमा भने यसले तत्कालै असर पार्ने छैन ।

यसरी डलर महंगो हुँदै जाँदा चीनबाट आयात हुने मोटरसाइकल तथा इलेक्ट्रिक स्कुटरको समेत मूल्य वढ्ने देखिन्छ । साथै तेस्रो मुलुकबाट आयात हुने स्पेयर पार्ट्स र एसेसोरिजको समेत मूल्य वढ्दै जानेछ ।