इस्टर्न एजेन्सिलाई आयसरको ‘वेस्ट सर्भिस डिष्ट्रिब्युटर्स’ अवार्ड

भल्भो आइसर गाडीको नेपालका लागि आधिकारिक वितरक इस्टर्न एजेन्सिले यस वर्षको ‘वेस्ट सर्भिस डिष्ट्रिब्युटर्स’ अवार्ड हात पारेको छ । बतास अर्गनाइजेसन अन्तर्गतको यो कम्पनीलाई भियतनाममा आयोजना भएको एक कार्यक्रमका विच उक्त अवार्डले सम्मानित गरिएको हो ।

उक्त कार्यक्रमा संसारभरका ४ सय विक्रेता उपस्थित रहेका थिए । जसमध्ये नेपालको यो कम्पनीलाई दक्षिण एसिया रिजनमा उत्कृष्ट ठहर गर्दै सो अवार्ड दिइएको हो ।कम्पनीले यसअघि पनि विभिन्न विधाहरुमा महत्वपूर्ण अवार्ड प्राप्त गर्दै आइरहेको थियो । गत वर्ष यो कम्पनीले ‘ओभरल वेष्ट डिलर अवार्ड इन द साउथ एसिया रिजन’ र ‘एक्स्लेन्ट इनिसियटिभ अफ एग्रिगेट्स रिकण्डिसनिङ’ अवार्ड प्राप्त गरेको थियो ।

नेपाली बजारमा आयसरका लाइट कमर्सियल भेइकलदेखी हेभी ड्यूटी ट्रक, ट्रिप्पर, स्कुल वस र सार्वजनिक यातायातमा प्रयोग हुने ठूला वसहरुको कारोबार हूँदै आइरहेको छ । कमर्सियल भेइकल सेग्मेन्टमा आइसर टाटापछि दोस्रो धेरै विक्री हुने ब्रान्डका रुपमा परिचित छ । यो व्रान्डलाई बतास समुहले २००८ देखि नेपाली बजारमा विक्री गर्दै आइरहेको छ ।

कम्पनीको हाल देशका विभिन्न स्थानहरुम सेल्स, सर्भिस र स्पेयर पार्ट्स सहितको नेटवर्क संचालन गर्दै आइरहेको छ । आयसरका गाडीहरु इन्धन किफायती विशेषताका कारण लोकप्रिय मानिन्छन् । साथै यो आरामदायी र वलियो तथा मजवुत समेत रहेको छ ।