अथरले ६ दिनपछि ४५० एक्सको फेसलिफ्ट भर्सन लन्च गर्ने, रेन्ज १४६ किलोमिटर पुग्ने अनुमान

इलेक्ट्रिक टु ह्विलर निर्माता अथरले ६ दिनपछि आफ्नो फ्ल्यागसिप मोडल ४५० एक्सको फेसलिफ्ट भर्सन लन्च गर्ने भएको छ । यो स्कुटरमा कम्पनीले ठूलो साइजको व्याट्री उपलब्ध गराने हुँदा रेन्ज समेत बढ्ने अनुमान गरिएको छ ।

हाल कारोवार भैरहेको मोडलमा २.९ किलोवाट आवर क्षमताको व्याट्री उपलब्ध रहँदै आएकोमा यसलाई बढाएर ३.६६ किलोवाट पुर्याइने अनुमान गरिएको हो । व्याट्री प्याक बढेपछि रेन्ज समेत बढेर ११६ वाट १४६ किलोमिटर पुग्नेछ ।

यो नयाँ भर्सनमा कम्पनीले ५ प्रकारको राइडिङ मोड दिन सक्ने आँकलन गरिएको छ । जसमा वार्प, स्पोर्ट, राइड, स्मार्ट र इको स्मार्ट मोड सामेल हुनेछन् । जसमध्ये वार्प मोडले प्रतिस्पर्धी ओला एस१ प्रो स्कुटरलाई समेत पछि पार्न सक्ने देखिएको छ ।

अथरले हाल उपलब्ध ४५० एक्सलाई १ लाख ३८ हजार भारुमा विक्री गर्दै आइरहेकोमा नयाँ भर्सनको मूल्य यो भन्दा धेरैले बढी हुनेछ । अथरले हाल ओकिनावा र ओला ब्रान्डसंग प्रतिस्पर्धा गरिरहेको छ ।