स्कोर्पियो एन बनेर आउँदै छ अब महिन्द्रा स्कर्पियो, बिग ड्याडी अफ एसयूभी बन्ने

महिन्द्रा एण्ड महिन्द्राले सबैभन्दा लोकप्रिय एसयूभी स्कर्पियोको नेक्स्ट जेनेरेसन मोडल लन्च गर्न लागेको छ । नयाँ स्कर्पियो भारतीय बजारमा जुन २७ मा लन्च गरिने छ । नयाँ स्कर्पियो लन्चिङ पछि पनि स्कर्पियो भने स्कोर्पियो क्लासिकको रुपमा बिक्री गर्ने कम्पनीले जनाएको छ ।

महिन्द्रा स्कर्पियोले आफ्नो सामाजिक सञ्जालमा नयाँ स्कर्पियोको लन्च मिति घोषणा गरेको छ । नयाँ गाडीको टिजर रिलिज गर्दै कम्पनीले लेखेको छ– नाम काफी छ । कम्पनीले नयाँ स्कर्पियोलाई ‘बिग ड्याडी अफ एसयूभी’ भनेको छ ।

नयाँ स्कर्पियो एनको मूल्य १० लाख भारु हुने अनुमान गरिएको छ । सो एसयूभीले हुन्डाई क्रेटा, स्कोडा कुशाक, एमजी एस्टर, निसान किक्स, किया सेल्टोस र फक्सवागन टाइगुन जस्ता कम्प्याक्ट एसयूभीसँग प्रतिस्पर्धा गर्नेछ ।

नयाँ स्कर्पियो एनको तस्बिर सामाजिक सञ्जालमा लिक भएको छ । तस्बिरका अनुसार नयाँ एसयूभी मस्कुलर सिक्स–स्लेट क्रोम एम्बेल्स्ड ग्रिल र नयाँ ’ट्विन पिक्स’ लोगोको साथ लन्च हुनेछ । यसमा सी आकारको एलईडी डीआरएल, एलईडी प्रोजेक्टर हेडल्याम्प र फगल्याम्प दिइएको छ ।