४९० किलोमिटर रेन्ज दिने रेट्रो डिजाइनको नयाँ इलेक्ट्रिक कार आउने

इलेक्ट्रिक भेइकल स्टार्टअप कम्पनी ओलम्पियन मोटर्सले रेट्रो डिजाइनको नयाँ इलेक्ट्रिक कार ल्याउने भएको छ । कम्पनीले यो कारमा पछिल्लो प्रविधीमा आधारित इलेक्ट्रिक टेक्नोलोजीलाई प्रयोगमा ल्याउने भएको छ । सोहि क्रममा कम्प्नीले क्लासिक लुक्समा आधारित पहिलो मोडल ओ१ को भिडियो टिजर समेत सार्बजनिक गरिसकेको छ ।

यो इलेक्ट्रिक कारमा ८२ किलोवाट आवरको व्याट्री प्याक जडान गरिनेछ र यसलाई एकपटक फूल चार्ज गरेपछि ४९० किलोमिटर रेन्ज प्राप्त गर्न सकिने दावी गरिएको छ । रियर ह्विल ड्राइभको यो कारलाई २५७ किलोमिटर प्रतिघन्टाको उच्चतम गतीमा हाँक्न सकिनेछ ।

टाइटानियम र मिलिटरी ग्रेडको कार्वन फाइवर प्यानलको प्रयोग गरी निर्माण गरिने यो कारमा ९ वटा एयर व्याग उपलब्ध हुने जनाइएको छ । सामान्य दुर्घटना पर्दा समेत सिसालाई कुनै असर नपरोस भनेर यसको ग्लास क्यानोपी र झ्यललाई लेमिनेट गरिएको छ । ‘ओल्ड स्कुल’ स्टाइललाई प्रतिविम्वित गर्न यो कारमा इन्फोटेन्मेन्ट सिस्टम अर्थात डिजिट क्लस्टर भने उपलव्ध गराइएको छैन । इन्फोटेन्मेन्ट लगायत अन्य फिचर्स प्रयोग गर्न यसको विन्डसिल्डमा ‘हेड अप डिस्प्ले’ दिइएको छ । भ्वाइस कमान्ड मार्फत नै सम्पूर्ण फिचर्स प्रयोग गर्न सकिने यो अत्याधुनिक सुविधायुक्त कारमा ८० प्रतिशतभन्दा बढी स्विचहरु हटाइएको छ ।

यो नयाँ कारको उत्पादन कहिलेदेखी प्रारम्भ हुन्छ भन्ने विषयमा कुनै जानकारी नदिइएपनि यसको वुकिङ भने खुल्ला गरिएको छ । १ लाख डलर मूल्य पर्ने यो कारलाई ग्राहकले ५ सय डलर भुक्तानी गरेर बुकिङ लिनसक्ने व्यवस्था मिलाइएको छ ।