हंगेरीको कम्पनीले भारतमा ल्यायो बुलेट भन्दा महंगो ३०० सीसीका दुई स्कुटर, आउन सक्छ नेपाल

हंगेरीको दुई पाङ्ग्रे सवारी साधन निर्माता र बेनेली समूहको सहायक कम्पनी किवेले हालै ३ वटा नयाँ उत्पादनका साथ भारतमा डेब्यु गरेको छ । कम्पनीले क्वार्टर लिटरको क्रुजर बाइक र २ वटा ३०० सीसी स्कुटर सार्वजनिक गरेको छ । यी दुबै स्कुटर प्रारम्भिक मूल्य २ लाख ९९ हजार भारुका साथ लन्च गरिएको छ ।

किवे सिक्सटिज ३००आई रेट्रो क्लासिक मोडल हो, जबकि भिएस्टे ३०० म्याक्सी स्कुटर हो । यी दुवै स्कुटरमा २७८.८ सीसी, सिंगल सिलिन्डर, लिक्विड कुल्ड इन्जिन प्रयोग गरिएको छ । यो इन्जिनले ६५०० आरपीएममा १८.७ एचपीको पावर र ६००० आरपीएममा २२ एनएमको टर्क जेनेरेट गर्छ । यसमा १३ इन्च र १२ इन्चको ट्युबलेस टायर पनि छ ।

भिएस्टे ३०० ब्ल्याक, म्याट ब्लु र म्याट ह्वाइट शेडमा उपलब्ध छ । सिक्सटिज ३०० आई स्कुटर म्याट लाइट ब्लुृ, म्याट ह्वाइट र म्याट ग्रे कलर स्किममा उपलब्ध छ । यसमा अल एलईडी लाइटिङ सिस्टम, किवे जडान सिस्टम जस्ता फिचर रहेको छ । स्कुटरमा २–वर्ष÷असीमित किमी वारेन्टी दिइएको छ । सो दुबै स्कुटर भारतमा बेनेली डिलरशिप मार्फत बिक्री गरिनेछ ।

किवे इन्डियाका प्रबन्ध निर्देशक विकास झबखले सिक्सटिज ३०० आई र भिएस्टे ३०० भारतीय बजारमा उपलब्ध गराउन पाउँदा खुसी भएको र चाँडै नै भारतीय बजारमा ६ थप उत्पादन पेश गर्ने दिशामा काम गरिरहेको जानकारी दिएका छन् । यसमा मुख्यतया २ क्रुजर, २ रेट्रो स्ट्रिट क्लासिक्स, एउटा नेकेड स्ट्रिट र एउटा रेस रेप्लिका समावेश हुनेछ ।

नेपाली बजारमा पनि बेनेली र किवे दुवै ब्रान्डका सवारी साधन केटीएम इन्टरनेसनल ट्रेडिङले बिक्री–वितरण गरिरहेको छ । यसकारण ग्राहकको चाहना भएमा भविष्यमा यी सवारी साधन नेपाली बजारमा समेत उपलब्ध हुने अनुमान गर्न सकिन्छ ।