भेट्रान सोलो राइडर गुफीले यसरी फहराए सगरमाथामा रोयल इन्फिल्डको झण्डा

काठमाडौं – नेपालका एक मात्र रोयल इन्फिल्ड मोटरसाइकलका भेट्रान सोलो राइडर प्रमोद श्रेष्ठ ‘गुफी’ ले सगरमाथा सफल आरोहण गरेका छन् । उनी गत जेठ १ अर्थात मे १५ का दिन बिहान ७–८ बजे सगरमाथाको सफल आरोहण गरेका हुन् । उनले गत अप्रिल ११ मा आरोहण सुरु गरेका थिए । उनले १० जना विभिन्न मुलुकका पदयात्रीसंगै आरोहण पुरा गरेका हुन् ।

सगरमाथा आरोहण ‘८८४८ बालिकालाई बालबिबाह विरुद्ध शिक्षा (Teach 8848 Girls Against Child Marriage) अभियानलाई सफल बनाउनका लागि आरोहण गरेका थिए । रोयल इन्फिल्डको नेपालका लागि आधिकारिक वितरक अल्फा अटोमोटिभ प्रालिले उनलाई आरोहण सफलताको शुभकामनाका साथ विदाई गरेको थियो । त्रिवेणी ग्रुपको कार्यलयमा अप्रिल ९, २०२२ मा एक कार्यक्रम आयोजना गरी कम्पनीका निर्देशक हर्ष संघाइले शुभकामनाका साथै रोयल इन्फिल्डको झण्डा पनि प्रदान गरेका थिए ।

प्रमोद श्रेष्ठ ‘गुफी’ ले सगरमाथामा चुचुरोमा रोयल इन्फिल्डको झण्डा सफलतापूर्वक पु-याएर फहराएका थिए ।

बिश्वको एक मात्र पुरानो मोटरसाइकल कम्पनी रोयल इन्फिल्डको नेपालका लागि आधिकारिक बिक्रेता त्रिवेणी समुह अन्तर्गतको अल्फा अटोमोटिभ प्रालिले नेपाल भर बिक्रीका लागि हालै अनुमति पाएको हो । कम्पनीले आफ्नो बिक्री, सर्भिस एवं सञ्जाल विस्तार कार्य सुरु गरिरहेको बताएको छ ।