टिभिएसले आज आईक्यूवको लङ रेन्ज भेरियन्ट लन्च गर्ने

भारतीय टु ह्विलर निर्माता टिभिएस मोटर्सले आज आफ्नो इलेक्ट्रिक स्कुटर आइक्युवको लङ रेन्ज भेरियन्ट लन्च गर्ने भएको छ । यसअघिको रेगुलर मोडलमा फिचर्स र रेन्ज अपडेट गरेर नयाँ मोडल लन्च गर्न लागिएको हो । यो नयाँ स्कुटरले १२३ किलोमिटर रेन्ज प्रदान गर्ने दाबी गरिएको छ । यसअघिको मोडलले ७५ किलोमिटर रेन्ज प्रदान गर्दै आइरहेको थियो ।

पुरानो मोडलमा फुल एलइडी लाइट र टिभिएस स्मार्ट एक्स कनेक्टसहितको डिजिटल इन्स्ट्रयुमेन्ट कन्सोल उपलब्ध रहँदै आएकोमा नयाँ मोडल थप फिचर्स लोडेड भएर आउने अपेक्षा गरिएको छ । यो नयाँ मोडलमा ४.४ किलोवाट क्षमताको हव माउन्टेड विएलडिसी मोटर जडान गरिएको जनाइएको छ । जसले १४० एनएमको उच्चतम टर्क जेनेरेट गर्नेछ ।

१ देखी १ लाख १० हजार भारुसम्म मूल्य पर्ने अनुमान गरिएको यो स्कुटरलाई इको मोडमा ४८ किलोमिटर प्रतिघन्टा र स्पोर्ट मोडमा ७८ किलोमिटर प्रतिघन्टाको उच्चतम गतिमा हाँक्न सकिने दाबी गरिएको छ ।